High Court : హైడ్రా చీఫ్ కు హై కోర్టు సమన్లు

హైదరాబాద్ డెవలప్‌మెంట్ అథారిటీ (హైడ్రా) కమిషనర్ ఎ.వి.రంగనాథ్ కు తెలంగాణ హైకోర్టు సమన్లు జారీ చేసింది. అమీన్‌పూర్‌ మండలం కిష్టారెడ్డిపేట్‌ గ్రామంలోని శ్రీకృష్ణానగర్‌లో నిర్మాణాల కూల్చివేత సందర్భంగా కోర్టు ఆదేశాలను ఉల్లంఘించారని జస్టిస్ కె. లక్ష్మణ్ సమన్లు పంపారు.

ఈ కేసు కు సంబంధించి రిట్ పిటిషన్ దాఖలు చేశారు. అన్ని నిర్మాణాలు సంబంధిత అధికారుల నుండి అనుమతులను పొందిన తర్వాతనే కట్టామని, నిబంధనలకు ఖచ్చితంగా కట్టుబడి ఉన్నాయని పిటిషనర్లు వాదించారు. అనధికార నిర్మాణాలను తొలగించే చర్యలకు అధికారం ఇస్తూ జూలై 19న జారీ చేసిన ప్రభుత్వ ఉత్తర్వు ప్రకారం తాము పనిచేశామని హైడ్రా పేర్కొంది. చట్టపరమైన ప్రక్రియను అనుసరించకుండా కొనసాగుతున్న నిర్మాణంలో జోక్యం చేసుకోవడాన్ని నిషేధిస్తూ ముందస్తు మధ్యంతర ఉత్తర్వులను కోర్టు పరిగణనలోకి తీసుకుంది.

హైడ్రా అధికారులు కూల్చివేయడానికి బుల్‌డోజర్‌లు భారీ యంత్రాలతో వచ్చిన సంఘటనను పిటిషనర్లు హైలైట్ చేశారు. మునుపటి కోర్టు ఆదేశాలకు నేరుగా విరుద్ధంగా ప్రవర్తించారని ఆరోపించారు. ప్రభుత్వ ఆస్తుల పరిరక్షణకు సమన్వయ ఏజెన్సీగా తమ పాత్రలో భాగంగా, ప్రభుత్వ భూమిలో అక్రమంగా భావించే నిర్మాణాల కూల్చివేతలో సహాయం చేయమని తహశీల్దార్ చేసిన ఆదేశానికి తాము ప్రతిస్పందిస్తున్నామని హైడ్రా తరఫు న్యాయవాది వాదించారు.

జస్టిస్ లక్ష్మణ్ స్పందిస్తూ.. హైడ్రా, ఇతర అధికారులు తీసుకున్న చర్యలు స్పష్టంగా కోర్టు ఆదేశాలను ఉల్లంఘించాయని.. తహశీల్దార్, అమీన్‌పూర్ మండల్ హైడ్రా కమిషనర్ నుండి వివరణ కావాలని ఆదేశించారు. ఈ విషయం సెప్టెంబర్ 30న తదుపరి విచారణను వాయిదా వేశారు.