Rameshwaram Cafe : రామేశ్వరం కేఫ్ విష‌యంలో జీహెచ్‌ఎంసీకి హైకోర్టు మంద‌లింపు
హైదరాబాద్‌లోని రామేశ్వరం కేఫ్‌కు సంబంధించిన పత్రాలను ఆర్టీఐ దరఖాస్తుదారునికి అందించడంలో అధికారులు విఫలమైన నేపథ్యంలో గ్రేటర్ హైదరాబాద్ మున్సిపల్ కార్పొరేషన్ (జిహెచ్‌ఎంసి)ని తెలంగాణ హైకోర్టు మందలించింది.
By : Eha Tv
Update: 2024-07-17 05:39 GMT
హైదరాబాద్‌లోని రామేశ్వరం కేఫ్‌కు సంబంధించిన పత్రాలను ఆర్టీఐ దరఖాస్తుదారునికి అందించడంలో అధికారులు విఫలమైన నేపథ్యంలో గ్రేటర్ హైదరాబాద్ మున్సిపల్ కార్పొరేషన్ (జిహెచ్‌ఎంసి)ని తెలంగాణ హైకోర్టు మందలించింది. నివేదికల ప్రకారం.. శివారెడ్డి దాఖలు చేసిన పిటిషన్‌పై విచారణ సందర్భంగా హైకోర్టు మందలించింది. మాదాపూర్‌లోని రామేశ్వరం కేఫ్ అక్రమంగా ఫుట్‌పాత్‌ను ఆక్రమించిందని జస్టిస్‌ టి.వినోద్‌కుమార్‌ విచారించిన పిటిషన్‌లో పేర్కొన్నారు.
రామేశ్వరం కేఫ్ వల్ల హైదరాబాద్‌లోని మాదాపూర్‌లో రోడ్డు రద్దీ ఏర్పడిందని పిటిషనర్ పేర్కొన్నారు. కేఫ్ అనుమతుల గురించి సమాచారాన్ని అభ్యర్థించడంతో.. RTI దరఖాస్తును సంబంధిత అధికారులు నిర్లక్ష్యం చేశారు. వాదనలు విన్న న్యాయస్థానం.. ఇది చట్టపరమైన ప్రక్రియలో లోపమేనని.. అధికారులను మందలించింది.