Hina Khan : క్యాన్సర్‌కు శస్త్రచికిత్స చేయించుకున్న న‌టి.. ఆ లేఖ ధైర్యం ఇచ్చిందని చెప్పింది..!

న‌టి హీనా ఖాన్ బ్రెస్ట్ క్యాన్సర్‌తో పోరాడుతోంది. ఇటీవలే ఆమెకు శస్త్రచికిత్స కూడా జరిగింది. వ్యాధి కార‌ణంగా ప్రస్తుతం హీనా ఖాన్ చాలా ఇబ్బందులు పడుతోంది. హీనా తన ఆరోగ్యం గురించి సోషల్ మీడియా పోస్ట్‌ల ద్వారా అభిమానులకు తెలియజేస్తూనే ఉంది. తనకు శస్త్రచికిత్స జరిగినట్లు హీనా ఇన్‌స్టాగ్రామ్ పోస్ట్ ద్వారా తెలియజేసింది. ఆసుప‌త్రిలో హౌస్ కీపింగ్ విభాగం.. హీనాకు లేఖ రాసి త్వ‌ర‌గా కోలుకోవాల‌ని కోరింది.

హీనా ఖాన్‌ కష్టాల్లో ఉన్న నేప‌థ్యంలో ఆమె అభిమానులు త్వ‌ర‌గా కోలుకోవాల‌ని కోరుతున్నారు. అందరూ ఆమె కోసం ప్రార్థిస్తున్నారు. ఆమెకు శస్త్ర చికిత్స జరగడంతో ఆసుపత్రి సిబ్బంది కూడా ధైర్యం చెప్పే ప్ర‌య‌త్నం చేశారు. హీనా ఖాన్ ఇన్‌స్టాగ్రామ్‌లో ఒక చిత్రాన్ని పంచుకుంది. అందులో ఆమె ఆసుపత్రి బెడ్‌పై కనిపించింది. ఆమె చేతిలో ఒక లేఖ ఉంది. దానిపై ఇలా రాసి ఉంది, 'ప్రియమైన హీనా ఖాన్.. ఈ శస్త్రచికిత్స మీకు చాలా బాధాకరంగా ఉంటుంద‌ని మాకు తెలుసు.. కానీ మీరు పూర్తిగా కోలుకునే మార్గంలో ఉన్నందుకు మేము సంతోషిస్తున్నాము. మీరు కోలుకుంటున్నారు అని రాశారు. ఈ ప్రేమ నాకు మంచి అనుభూతిని కలిగిస్తుంది. హౌస్ కీపింగ్ డిపార్ట్‌మెంట్ నుండి నాకు ఈ లేఖ వచ్చిందని పేర్కొంది.

హీనా ఖాన్ మరొక పోస్ట్‌లో తను చాలా బాధలో ఉందని.. నిరంతరం నొప్పితో ఉన్నాన‌ని రాసింది. హీనా ఇలా రాసింది, 'నిరంతర నొప్పి.. అవును నిరంతరం.. ప్రతి ఒక్క సెకను వ్యక్తి నవ్వుతున్నాడా? ఎవరో ఒక‌రు నొప్పితో ఉంటారు. నొప్పి కొనసాగుతుంది. అయితే.. నోటి నుండి వచ్చేది ఒక్కటే.. 'నేను బాగున్నాను.. అని రాసింది.

హీనా ఖాన్ పూర్తి ధైర్యంతో క్యాన్సర్ చికిత్స తీసుకుంటుంది. హీనా ఖాన్ ఇటీవల అభిమానుల‌తో ఒక వీడియోను పంచుకుంది. అందులో ఆమె సెట్‌లో షూటింగ్‌కు సిద్ధమవుతున్నట్లు కనిపించింది. హీనా ధైర్యం చూసి అభిమానులు ఆమెకు సెల్యూట్ చేస్తున్నారు.