YS Sharmila : మీ ఆరోపణల్లో రాజకీయ కోణం లేకుంటే నిజాలు నిగ్గు తేల్చండి
తిరుమలను అపవిత్రం చేస్తూ హిందువుల మనోభావాలను దెబ్బతీసేలా టీడీపీ, వైసీపీలు నీచ రాజకీయాలు చేస్తున్నాయని APCC చీఫ్ వైఎస్ షర్మిలా రెడ్డి మండిప‌డ్డారు.
తిరుమలను అపవిత్రం చేస్తూ హిందువుల మనోభావాలను దెబ్బతీసేలా టీడీపీ, వైసీపీలు నీచ రాజకీయాలు చేస్తున్నాయని APCC చీఫ్ వైఎస్ షర్మిలా రెడ్డి మండిప‌డ్డారు. సీఎం హోదాలో లడ్డూ ప్రసాదంలో నెయ్యికి బదులు జంతువుల నూనెలు వాడారంటూ చంద్రబాబు నాయుడు చేసిన వ్యాఖ్యలు తిరుమల పవిత్రతకు, ప్రతిష్టకు భంగం కలిగించేలా ఉన్నాయన్నారు. కోట్లాదిమంది హిందువుల ఆరాధ్య దైవం వేంకటేశుడికే మచ్చ తెచ్చేలా ఉన్నాయన్నారు.
మీ ఆరోపణల్లో రాజకీయ కోణం లేకుంటే.. సెంటిమెంట్ మీద రాజకీయం చేసే ఉద్దేశ్యమే మీకు లేకుంటే.. నెయ్యికి బదులు జంతువుల నూనెలు నిజంగా వాడి ఉంటే.. తక్షణం ఉన్నత స్థాయి కమిటీ వేయండి లేదా CBI తో విచారణ జరిపించండని చంద్రబాబును డిమాండ్ చేశారు. ఆ మహా పాపానికి,ఘోర అపచారానికి పాల్పడిన నీచులెవరో తేల్చండి.. మీ వ్యాఖ్యలపై కట్టుబడి ఉండాలని, నిజాలు నిగ్గు తేల్చాలని చంద్రబాబును కాంగ్రెస్ పార్టీ త‌రుపున డిమాండ్ చేస్తామ‌న్నారు.