ఆ నగరాల్లో కూడా ఎయిర్ క్వాలిటీ తగ్గిపోతోందట!!

హైదరాబాద్, చెన్నై, విశాఖపట్నం, కొచ్చి, మంగళూరు, అమరావతి, విజయవాడ, విశాఖపట్నం, బెంగళూరు, మైసూరు, పుదుచ్చేరిలలో గాలి నాణ్యతా ప్రమాణాలను నివేదిక విశ్లేషించింది. నివేదికకు సంబంధించి ప్రధాన పరిశోధకురాలు ఆకాంక్ష సింగ్ మాట్లాడుతూ, "స్వచ్ఛమైన గాలి మన ఆరోగ్యానికి ప్రాథమికమైనది, WHO మార్గదర్శకాలను అధిగమించి వాయు కాలుష్యం జరుగుతోందని ఈ నివేదిక తెలుపుతోంది." అని అన్నారు. వాయు కాలుష్యం కారణంగా ఎన్నో ఇబ్బందులు ఎదురయ్యే అవకాశం ఉందని, అత్యంత జాగ్రత్తగా ఉండాలని కోరారు. రాబోయే రోజుల్లో వాయు కాలుష్యం పెరిగే అవకాశం ఉందని, ప్రజలు బాధ్యతగా వ్యవహరించాల్సిన అవసరం ఎంతైనా ఉందని సూచించారు.