Girl Make Reel With Police Van : పోలీసు వాహ‌నంపై రీల్స్‌ చేసిన యువ‌తి.. ఎస్సైపై వేటు..!

పంజాబ్‌లోని జలంధర్‌(Jalandhar)కు చెందిన ఓ అమ్మాయి రీల్(Reel) వీడియో సోషల్ మీడియాలో వైరల్ అవుతోంది. ఈ రీల్ వార్తల్లోకి రావడానికి కారణం వీడియోలో ఉపయోగించిన పంజాబ్ పోలీసు వాహనం(Police Van). వీడియో వైరల్ కావడంతో అధికారులు.. జలంధర్ పోలీస్ స్టేషన్-4 SHO అశోక్ శర్మ(Ashok Sharma)పై చ‌ర్య‌లు తీసుకున్నారు.

ఈ వైరల్ వీడియోలో.. రద్దీగా ఉండే మార్కెట్‌లో SHO ప్రభుత్వ వాహనంపై ఒక అమ్మాయి డ్యాన్స్ చేస్తూ కనిపించింది. వీడియోలో అమ్మాయి తనను తాను.. 'నేను సింహం, నేను సింహం' అని అర‌వ‌డం చూడొచ్చు. ఇంకా ఆశ్చర్యకరమైన విషయం ఏంటంటే.. ఆ వీడియోను సోషల్ మీడియా(Social Media)లో పోస్ట్ చేసినా ఆ యువతిపై పోలీసులు ఎలాంటి చర్యలు తీసుకోకపోవడం.

This viral video is from #Jalandhar in which a girl is standing next to the police vehicle and making a reel for social media. pic.twitter.com/qknD2YxFc9

— Nikhil Choudhary (@NikhilCh_) September 28, 2023

స్టేషన్‌ హౌస్‌ ఆఫీసర్ అశోక్‌ శర్మ రాత్రి వేళ పెట్రోలింగ్‌ వాహనం తీసుకుని బయటకు వెళ్లారు. రోడ్లపై తిరుగుతూ ఉన్నారు. ఆసమయంలో ఓ వయుతి పోలీసు కారు వద్దకు వచ్చింది. తాను రీల్‌ చేస్తానని అందుకు కారుని వినియోగించుకుంటానని రిక్వెస్ట్‌ చేసింది. దాంతో.. కాసేపు ఖాళీగా ఉన్న పోలీసు అధికారి అశోక్‌ శర్మ ఆ యువతిని రీల్‌ చేసుకునేందుకు అనుమతి ఇచ్చాడు. దాంతో ఆ యువతి కారు బ్యానెట్‌ పైకి ఎక్కి రీల్‌ చేసింది. డ్యాన్స్‌ చేస్తున్నట్లుగా చేతులు ఊపుతూ స్టెప్పులు వేసింది. అంతేకాదు.. పోలీస్ వాహనంపైనే కూర్చొని అభ్యంతరకరంగా వేళ్లతో సైగలు చేసింది. కాగా.. ఈ వీడియో సోషల్‌ మీడియాలో వైరల్ అయ్యి పోలీసు ఉన్నతాధికారుల వరకూ చేరింది. ఆ యువతి అలా అభ్యంతరకరంగా చేతివేళ్లను చూపడాన్ని ఉన్నతాధికారులు సీరియస్‌గా తీసుకున్నారు. ఈ సంఘటనపై ఆరా తీయగా.. యువతికి రీల్‌ చేసుకునేందుకు స్టేషన్ ఆఫీసర్ అశోక్‌ శర్మ అనుమతి ఇచ్చినట్లు తేలింది. దాంతో.. అశోక్‌ శర్మపై చర్యలు తీసుకునేందుకు సిద్ధం అయ్యారు. సస్పెండ్(Suspend) చేస్తూ ఉత్తర్వులు జారీ చేశారు.