Telangana Rain: తెలంగాణకు భారీ వర్ష సూచన

తెలంగాణలో ఐదు రోజుల పాటు వర్షాలు కురిసే అవకాశం ఉందని భారత వాతావరణ శాఖ (ఐఎండీ) హైదరాబాద్ అంచనా వేసింది. వాతావరణ శాఖ ప్రకారం.. మే 18, శనివారం వరకు రాష్ట్రవ్యాప్తంగా ఉరుములు, మెరుపులతో పాటూ ఈదురుగాలులు కూడా వీచే అవకాశం ఉంది. భారీ వర్షాల కారణంగా ఐఎండీ హైదరాబాద్‌ ఎల్లో అలర్ట్‌ ప్రకటించింది. వర్షపాతం భారీగా నమోదయ్యే అవకాశం ఉన్న నేపథ్యంలో వాతావరణ శాఖ రాష్ట్రంలోని అన్ని జిల్లాలకు ఎల్లో అలర్ట్ ప్రకటించింది.

మే 16న మల్కాజిగిరి, హైదరాబాద్, రంగారెడ్డి, భువనగిరి, నారాయణపేట, జోగులాంబ గద్వాల్, వనపర్తి మినహా అన్ని జిల్లాల్లో వర్షాలు కురిసే అవకాశం ఉంది. నారాయణపేట, మహబూబ్‌నగర్, జోగుళాంబ గద్వాల్, నాగర్‌కర్నూల్, నల్గొండ, సూర్యాపేట మినహా తెలంగాణలోని అన్ని జిల్లాల్లో శుక్రవారం వర్షాలు కురుస్తాయని ఐఎండి హైదరాబాద్ తెలిపింది. శనివారం నిజామాబాద్, జగిత్యాల, కామారెడ్డి, రాజన్న సిరిసిల్ల, కరీంనగర్, పెద్దపల్లె, భూపాలపల్లి, సిద్దిపేట, ములుగు, కొత్తగూడెం, భువనగిరి, మల్కాజిగిరి, వికారాబాద్, రంగారెడ్డి, నారాయణపేట, మహబూబ్‌నగర్, జోగుళాంబ గద్వాల్, వనపర్తి, ఖానాంబ గద్వాల్, వనపర్తి, ఎన్. కొత్తగూడెంలో వర్షాలు కురుస్తాయి.