RK wife Sirisha Arrest : ఆర్కే భార్య అరెస్ట్‌.. అధికారికంగా ప్ర‌క‌టించిన ఎన్ఐఏ

దివంగ‌త‌ మావోయిస్టు ఆర్కే(RK) భార్య శిరీషను(Sirisha) అరెస్ట్ చేసినట్టు జాతీయ దర్యాప్తు సంస్థ(National Investigation Agency) అధికారికంగా ప్రకటించింది. శిరీషతో పాటు దొడ్డు ప్రభాకర్‌ను(Doddu Prabhakar) కూడా అరెస్టు చేశామని వెల్లడించింది. 2019 ఛత్తీస్‌ఘ‌డ్‌లో(Chhattisgarh) జరిగిన తిరియా ఎన్‌కౌంట‌ర్‌(Thiriya Encounter) ఆధారంగా ఇద్దరినీ అరెస్ట్ చేసామని వెల్లడించింది. ఎన్‌కౌంట‌ర్‌లో దొరికిన ఆర్కే డైరీ(Dairy) ఆధారంగా ఇరువురిపై కేసు నమోదు చేసి అరెస్ట్ చేసామని వెల్లడించింది. గత కొంతకాలం నుంచి ఇద్దరికి కూడా మావోయిస్టుల‌ నుంచి పెద్ద ఎత్తున నిధులు అందుతున్నాయని.. అంతేకాకుండా మావోయిస్టుల కోసం రిక్రూట్‌మెంట్‌ కూడా చేస్తున్నారని ఎన్ఐఏ ఆరోపించింది. వారోత్సవాల సందర్భంగా వీరు భారీ కుట్రకు ప్లాన్ చేశారని వెల్ల‌డించింది. తిరియా ఎన్‌కౌంట‌ర్‌లో ఇద్దరూ కీలకపాత్ర పోషించారని తెలిపింది. దుడ్డు ప్రభాకర్ టెక్ ఇంఛార్జ్‌గా ఉండి ఆయుధాలు మొత్తం కూడా సరఫరా చేశాడని ఎన్ఐఏ ఆరోపించింది.