CM Revanth Reddy: బిజీ బిజీగా సీఎం రేవంత్ రెడ్డి.. ఈరోజు పర్యటన ఎక్కడంటే?

కాంగ్రెస్ అభ్యర్థి మహహబూబ్‌నగర్ నుంచి చల్లా వంశీచందర్ రెడ్డి నేడు పార్లమెంట్ అభ్యర్థిగా నామినేషన్ దాఖలు చేయనున్నారు. ఈ కార్యక్రమానికి ముఖ్యమంత్రి రేవంత్ రెడ్డి హాజరుకానున్నారు. నామినేషన్ అనంతరం రేవంత్‌ రెడ్డి కార్నర్ మీటింగ్‌లో పాల్గొననున్నారు. అలాగే సీఎం రేవంత్ రెడ్డి మహబూబాబాద్ ఎంపీ అభ్యర్థి పొరిక బలరామ్ నాయక్ నామినేషన్ కార్యక్రమంలోనూ పాల్గొననున్నారు.

లోక్‌సభ ఎన్నికల ప్రచారంలో భాగంగా తెలంగాణ ముఖ్యమంత్రి రేవంత్ రెడ్డి జిల్లాల పర్యటన మొదలుపెట్టారు. కేరళ ఎన్నికల నేపథ్యంలో రేవంత్ రెండు రోజులు ఆ రాష్ట్రంలో పర్యటించారు. ఈరోజు మహబూబ్ నగర్ లో కాంగ్రెస్ అభ్యర్థి వంశీచంద్ రెడ్డి నామినేషన్ ర్యాలీలో పాల్గొంటారు. అక్కడ ఏర్పాటు చేసిన కార్నర్‌ మీటింగ్‌లో ఆయన మాట్లాడనున్నారు. సాయంత్రం మహబూబాబాద్‌లో జరిగే బహిరంగ సభలో పాల్గొంటారు. 20న మెదక్ అభ్యర్థి నీలం మధు నామినేషన్ కార్యక్రమానికి హాజరుకానున్నారు. అదేరోజు సాయంత్రం కర్ణాటక ప్రచారంలో పాల్గొంటారు. 21న భువనగిరిలో చామల కిరణ్ నామినేషన్ కార్యక్రమానికి రేవంత్ హాజరుకానున్నారు. 22న ఉదయం ఆదిలాబాద్‌లో సభకు, 23న నాగర్‌కర్నూల్‌లో జరిగే బహిరంగ సభల్లో పాల్గొంటారు. 24న ఉదయం జహీరాబాద్‌లో, సాయంత్రం వరంగల్‌లో జరిగే సభల్లో రేవంత్ రెడ్డి పాల్గొననున్నారు.