Telangana Police Logo: ఇందులో తెలుగెక్కడుందిరా తెలంగాణ పోలీసోడా?

తెలంగాణ పోలీస్‌ శాఖ లోగో మార్చారు. గతంలో ఉన్న తెలంగాణ స్టేట్‌ పోలీస్‌ అని ఉన్నదాన్ని మార్చి తెలంగాణ పోలీస్‌ అని మార్చారు. దీనిపై రకరకాలుగా వాదనలు వినిపిస్తున్నాయి. ఈ క్రమంలోనే రిటైర్డ్ ఐపీఎస్ అధికారి ఎం.నాగేశ్వరరావు ట్వీట్ చేశారు. ఈ లోగోలో తెలుగు లేదని ఆయన ప్రశ్నించారు. ఈ సందర్భంగా ఎక్స్‌లో ట్వీట్ చేస్తూ ' గౌరవ ముఖ్యమంత్రి రేవంత్ రెడ్డి గారు వెంటనే జోక్యం చేసుకొని ఈ తెలంగాణ పోలీసు చిహ్నాన్ని వెంటనే ఉపసంహరించి, ఇంగ్లీషుతో పాటు తెలుగు కూడా ప్రముఖంగా ఉండేటట్లుగా కొత్త చిహ్నాన్ని పునఃరూపకల్పన చేయాలని డిజిపి గారిని ఆదేశించవలసిందిగా మా విజ్ఞప్తి' అంటూ ఆయన ట్వీట్‌ చేశారు. ఈ ట్వీట్‌పై నెటిజన్లు స్పందిస్తున్నారు. అవును తెలుగును వాడాల్సిందని కొందరు కామెంట్ చేయగా.. ఆంధ్రప్రదేశ్‌ పోలీస్‌శాఖ లోగోలో కూడా తెలుగు లేదని నాగేశ్వరరావును ప్రశ్నించగా.. రెండు లోగోల్లో కూడా తెలుగు ఉండాలి అని ఆయన సమాధానం ఇచ్చారు.