Revanth Reddy Arrest : రేవంత్‌ను అదుపులోకి తీసుకున్న పోలీసులు.. గన్‌పార్క్ వ‌ద్ద ఉద్రిక్తత

గన్‌పార్క్‌(Gunpark) దగ్గర ఉద్రిక్తత చోటుచేసుకుంది. రెండు రోజుల క్రితం డబ్బులు, మద్యం పంచకుండా ఎన్నికలకు వెళ్దామని సీఎం కేసీఆర్‌కు(KCR) టీపీసీసీ(TPCC) అధ్య‌క్షుడు రేవంత్‌రెడ్డి(Revanth Reddy) సవాల్ విసిరిన సంగ‌తి తెలిసిందే. ఈ క్ర‌మంలోనే ప్రమాణం చేసేందుకు వచ్చిన రేవంత్‌ను పోలీసులు అడ్డుకున్నారు. దీంతో పోలీసుల‌కు(Police), రేవంత్ రెడ్డికి మ‌ధ్య వాగ్వాదం చోటుచేసుకుంది. ఈ నేప‌థ్యంలో రేవంత్ రెడ్డితో పాటు ప‌లువురు కాంగ్రెస్ నేత‌ల‌ను పోలీసులు అదుపులోకి తీసుకున్నారు.

రెండు రోజుల క్రితం రేవంత్ రెడ్డి మాట్లాడుతూ.. “కేసీఆర్ కు సూటిగా సవాల్ విసురుతున్నా..ఈ ఎన్నికల్లో చుక్క మందు పోయకుండా, డబ్బులు పంచకుండా ఓట్లు అడగాలి. 17 న మధ్యాహ్నం 12 గంటలకు అమరవీరుల స్థూపం వద్దకు నేను వస్తా.. కేసీఆర్ నువ్వు అక్కడికి రా.. ప్రమాణం చేద్దామని” సవాలు విసిరారు. సవాల్ కు అనుగుణంగా.. రేవంత్ రెడ్డి కొద్దిసేప‌టి క్రితం అమరవీరుల స్తూపం వద్దకు చేరుకున్నారు.