Komatireddy Venkat Reddy : కేసీఆర్‌ స్థాయి నాది.. హరీష్‌, కేటీఆర్‌ బచ్చాలు..!

ఫామ్ హౌస్‌లో(Farm house) పడుకున్న కేసీఆర్(KCR) వచ్చి గురుకులాలకు వెళ్దామంటే తాను వస్తానని గీ పిల్ల బచ్చాగాళ్లు కేటీఆర్(KTR), హరీష్(Harish) విమర్శలపై తాను మాట్లాడనని మంత్రి కోమటిరెడ్డి వెంకట్‌రెడ్డి(Komati reddy venkat reddy) అన్నారు. తెలంగాణ అభివృద్ధి కోసం కేంద్రంతో కొట్లాడి నిధులు తెచ్చుకుంటామని తెలిపారు.

హైదరాబాద్-విజయవాడ 65వ జాతీయ రహదారికి వచ్చే జనవరి చివరిలో టెండర్లు పిలిచి మార్చిలోపు ఆరు లైన్ల రహదారిగా మార్చుతామన్నారు. రూ. 30 వేల కోట్లతో రీజనల్ రింగ్ రోడ్డు పనులను ప్రధాని మోడీ(PM Narendra modi), కేంద్ర మంత్రి గడ్కరీలను ఆహ్వానించి శంకుస్థాపన చేయిస్తామని మంత్రి కోమటిరెడ్డి వెంకట్ రెడ్డి అన్నారు. తెలంగాణలో కాంగ్రెస్ ఇచ్చిన విధంగా బీజేపీ పాలిత రాష్ట్రాల్లో రూ. 500కు సిలిండర్ ఎందుకు ఇవ్వలేదన్నారు. ప్రశ్నించారు. త్వరలోనే సీఎం రేవంత్ రెడ్డి(CM Revanth reddy) నల్గొండ జిల్లాలో పర్యటిస్తారని.. ఆ తేదీని రేపు ప్రకటిస్తామని చెప్పారు. పలు ప్రాజెక్టులు, అభివృద్ధి పనులకు శంకుస్థాపన, మెడికల్ కాలేజ్‌ను ప్రారంభిస్తారని తెలిపారు. ఫామ్ హౌస్‌లో ఉన్న కేసీఆర్ గురుకులాకు వెళ్దామంటే తాను వస్తాను.. కానీ పిలగాళ్లు కేటీఆర్, హరీష్ వాఖ్యలపై తాను మాట్లాడనని మంత్రి కోమటిరెడ్డి వెంకట్ రెడ్డి అన్నారు.