Khammam Railway Station: ఖమ్మం రైల్వే స్టేషన్‌.. రెండో ప్లాట్‌ఫాంపై ఏమి దొరికాయంటే?

ఖమ్మం రైల్వే స్టేషన్‌లోని రెండో నంబర్ ప్లాట్‌ఫాంపై 28 కిలోల గంజాయిని రైల్వే పోలీసులు పట్టుకున్నారు. ఇది రూ.7 లక్షల విలువ ఉంటుందని అంటున్నారు. ప్లాట్‌ఫారమ్‌లోని ఫుట్-ఓవర్-బ్రిడ్జ్ దగ్గర పోలీసు బృందం సాధారణ తనిఖీలు చేస్తున్నప్పుడు నాలుగు బ్యాగుల్లో గంజాయి కనిపించాయి. చుట్టుపక్కల ప్రయాణికులు, దుకాణదారులు, వ్యాపారులను విచారించిన తర్వాత, ఎవరూ ఆ బ్యాగులు తమవేనని చెప్పలేదు.

కొద్దిసేపటి తర్వాత పోలీసులు బ్యాగ్‌ని తెరిచి చూస్తే గంజాయి దొరికింది. ఎఫ్‌ఓబీ వద్ద బ్యాగులను వదిలివెళ్లడం వెనుక ఉన్న వ్యక్తులను తెలుసుకోవడానికి పోలీసులు రైల్వే స్టేషన్, దాని పరిసరాలలో అమర్చిన నిఘా కెమెరాల నుండి సేకరించిన ఫుటేజీని పరిశీలిస్తున్నారు.