Metro Timings : హైదరాబాద్ మెట్రో సమయం పొడిగింపు..!

హైదరాబాదీలకు శుభవార్త, మెట్రో సమయాలను 45 నిమిషాలు పొడిగించినట్లు ఎల్ అండ్ టి మెట్రో రైలు (Hyderabad)) చీఫ్ స్ట్రాటజీ ఆఫీసర్ మురళీ వరదరాజన్ ప్రకటించారు. ‘‘గతంలో హైదరాబాద్ మెట్రో సమయాలు ఉదయం 6 గంటల నుంచి రాత్రి 11:59 గంటల వరకు ఉండేవి. కానీ శనివారం నుండి మేము దానిని అర్ధరాత్రి దాటి మరో 45 నిమిషాలు పొడిగిస్తున్నాము, ”అని 10వ గ్రీన్ యాన్యువల్ ఫెసిలిటీ మేనేజ్‌మెంట్ (FM) సమ్మిట్ 2024లో చెప్పారు.

మే 20 నుంచి హైదరాబాద్ మెట్రో ప్రతి సోమవారం ఉదయం 5:30 గంటల నుంచి విధులు ప్రారంభించనున్నట్లు ఆయన తెలిపారు. “మెట్రో ద్వారా ప్రయాణాన్ని ప్రోత్సహించండని ఆయన పిలుపునిచ్చారు. మహిళలకు ఉచిత బస్ సేవ‌లు.. మహాలక్ష్మి పథకం కొనసాగితే 2026 తర్వాత హైదరాబాద్ మెట్రో నుండి వైదొలగాలని L&T ప్రెసిడెంట్, డైరెక్టర్ & CFO R శంకర్ రామన్ చేసిన వ్యాఖ్య‌ల‌ తర్వాత ఈ నిర్ణయం వెలువ‌డింది.

ఎల్‌అండ్‌టి హైదరాబాద్ మెట్రో నుంచి వైదొలగాలని భావిస్తే స్వాగతిస్తామని, అయితే పథకాన్ని ఆపే ప్రసక్తే లేదని తెలంగాణ సిఎం రేవంత్‌రెడ్డి బదులిచ్చారు. “ఎల్‌అండ్‌టి నష్టాలు లేదా లాభాల గురించి మేము బాధపడటం లేదు. వాళ్ళని వెళ్ల‌నిచ్చి.. రాష్ట్ర ప్రభుత్వం ఇతరుల కోసం అన్వేషిస్తుంది. ఒక కాంట్రాక్టర్ పోతే మరో కాంట్రాక్టర్ వస్తాడు. ఇది పెద్ద విషయం కాదు’ అని రేవంత్ విలేకరులతో అన్నారు.