Hyderabad Skyways: తెలంగాణకు మరో గుడ్ న్యూస్ చెప్పిన కేంద్ర ప్రభుత్వం

సికింద్రాబాద్ కంటోన్మెంట్ ప్రాంతంలో స్కైవేలు, రెండు ఎలివేటెడ్ కారిడార్‌లను నిర్మించేందుకు హైదరాబాద్ మెట్రోపాలిటన్ డెవలప్‌మెంట్ బోర్డు (హెచ్‌ఎండీఏ)కి శుక్రవారం, మార్చి 1న కేంద్ర ప్రభుత్వం అనుమతి ఇచ్చింది. రాష్ట్ర రహదారి-1, ప్యారడైజ్ సర్కిల్‌లోని సుచిత్రా జంక్షన్‌లోని హకీంపేట్ ఎయిర్‌ఫోర్స్ స్టేషన్ (శామీర్‌పేట సమీపంలోని ఓఆర్‌ఆర్‌ను కలుపుతూ) రెండు స్కైవేలకు, జింఖానా గ్రౌండ్స్‌ను అభివృద్ధి చేసేందుకు దాదాపు 175 ఎకరాల భూమిని రాష్ట్ర ప్రభుత్వానికి బదిలీ చేసినట్లు భారత ప్రభుత్వం శుక్రవారం ఉత్తర్వులు జారీ చేసింది.

తెలంగాణ కాంగ్రెస్ ప్రభుత్వం అధికారంలోకి వచ్చినప్పటి నుండి హైదరాబాద్ కోసం రెండు ప్రతిపాదనలకు విజయవంతంగా క్లియరెన్స్ సాధించింది, ఇంతకు ముందు మెహదీపట్నం స్కైవాక్ నిర్మాణం విషయంలో రేవంత్ రెడ్డి ప్రభుత్వానికి కేంద్ర ప్రభుత్వం గుడ్ న్యూస్ చెప్పింది. స్కైవేలు ఏర్పాటు చేయనున్న భూమి విలువ దాదాపు రూ.1,700 కోట్లు. ఆగస్ట్ 2023లో, సికింద్రాబాద్ కంటోన్మెంట్ బోర్డు (SCB) ప్యారడైజ్ సర్కిల్ నుండి సుచిత్ర సర్కిల్ వరకు, జింఖానా గ్రౌండ్స్ నుండి హకీంపేట్ ఎయిర్ ఫోర్స్ స్టేషన్ వరకు రోడ్ల విస్తరణ కోసం 33 ఎకరాలను తెలంగాణ ప్రభుత్వానికి అప్పగించడానికి అనుమతి ఇచ్చింది. అయితే, ఈ భూమిని బదిలీ చేయాలన్న అభ్యర్థన అప్పట్లో తిరస్కరించారు. వివిధ రక్షణ విభాగాలకు చెందిన 157 ఎకరాల భూమిని రాష్ట్ర ప్రభుత్వానికి ధారాదత్తం చేస్తేనే విస్తరణ పనులు, ప్రతిపాదిత స్కైవేలు, మెట్రో కారిడార్‌లు పూర్తి అవుతాయని గత ప్రభుత్వంలో అధికారులు పేర్కొంటున్నప్పటికీ.. అప్పట్లో ఆ బదిలీని కేంద్రం నిలిపివేసింది.