Bandla Krishna Mohan Reddy : ఆయా బండ్ల గయా బండ్ల...! మళ్లీ రంగు మార్చిన కృష్ణమోహన్‌రెడ్డి

ఇక నుంచి ఆయా రామ్‌ గయా రామ్‌కు బదులు ఆయా బండ్ల గయా బండ్ల అని అనుకోవాలేమో! బండ్ల అంటే గద్వాల ఎమ్మెల్యే బండ్ల కృష్ణమోహన్‌ రెడ్డి(Bandla Krishna mohan) అన్నట్టు! ఆయన మళ్లీ కాంగ్రెస్‌(Congress) గూటికి వెళ్లబోతున్నారట! మొన్నేగదా కాంగ్రెస్‌ నుంచి బీఆర్‌ఎస్‌లోకి(BRS) వెళ్లింది.. మళ్లీ అప్పుడే కండువా మారుస్తున్నారా? అని అనుకోకండి.. రాజకీయాల్లో ఇది సర్వ సాధారణమే! గురువారం ఉదయం మంత్రి జూపల్లి కృష్ణారావు(Jupalli krishna rao) ఎమ్మెల్యే బండ్ల ఇంటికి వెళ్లారు. ఇద్దరూ కలిసి మంతనాలు జరిపారు. జూపల్లి ఏం చెప్పారో ఏమోకానీ బండ్ల మళ్లీ కాంగ్రెస్‌లోకి రావడానికి తలూపారట! బీఆర్‌ఎస్‌ నుంచి ఎమ్మెల్యేగా గెలిచిన బండ్ల కృష్ణమోహన్‌రెడ్డి ఇటీవల కాంగ్రెస్‌లో చేరారు. మొన్న అసెంబ్లీ సమావేశాల సమయంలో ఆయన తిరిగి బీఆర్‌ఎస్‌లోకి వెళుతున్నట్టు ప్రకటించారు. జూపల్లి భేటి తర్వాత బండ్ల మనసు మార్చుకున్నారు.