ED Notices To Hero Navadeep : డ్రగ్స్ కేసులో నవదీప్‌కు ఈడీ నోటీసులు

డ్రగ్స్ కేసు(Drugs Case)లో విచారణకు హాజరుకావాలని టాలీవుడ్ నటుడు నవదీప్‌(Navdeep)కు ఎన్‌ఫోర్స్‌మెంట్ డైరెక్టరేట్ శుక్రవారం సమన్లు ​​జారీ చేసింది. అక్టోబర్ 10న హాజరుకావాలని నవదీప్‌ను కోరినట్లు ఈడీ వర్గాలు వెల్లడించాయి. గుడిమల్కాపూర్ పోలీస్ స్టేషన్‌(Gudimalkapur Police Station)లో నమోదైన కేసుకు సంబంధించి తెలంగాణ రాష్ట్ర యాంటీ నార్కోటిక్స్ బ్యూరో(Telangana Anti Narcotics Bureau) ఇటీవల నటుడు నవదీప్ పల్లపోలును విచారించింది. సెప్టెంబర్ 14న బెంగళూరు(Bengaluru)లో పట్టుబడిన నైజీరియన్ డ్రగ్ పెడ్లర్ల(Nigerian drug peddler)కు నటుడు నవదీప్‌కు పరిచయం ఉంద‌ని పోలీసుల దర్యాప్తులో వెల్లడైంది.

అంత‌కుముందు నవదీప్‌కు తెలంగాణ హైకోర్టు(Telangana High Court) ముందస్తు బెయిల్ మంజూరు చేసింది. ఆ త‌ర్వాత నవదీప్‌కు సీఆర్‌పీసీ సెక్షన్ 41ఏ కింద నోటీసులు అందజేశారు. "పాత టాలీవుడ్ డ్రగ్స్ అక్రమ రవాణా కేసుకు సంబంధించి మేము న‌వ‌దీప్‌కు సమన్లు ​​పంపాము. ప్రస్తుత కేసును కూడా అందులో చేర్చుతాము. నవదీప్‌కు రెండుసార్లు సమన్లు ​​అందాయి, కానీ న‌వ‌దీప్‌ మా ముందు హాజరుకాలేకపోయాడని ED వర్గాలు పేర్కొన్నాయి.

2017 డ్రగ్స్ కుంభకోణంలో.. 12 డ్రగ్స్ కేసుల్లో ఎక్సైజ్ శాఖ దాఖలు చేసిన చార్జిషీట్ల ఆధారంగా ఎన్‌ఫోర్స్‌మెంట్ డైరెక్టరేట్ మనీలాండరింగ్ కోణంలో విచారణ జరుపుతోంది. గతంలో టాలీవుడ్ నటులు నవదీప్, రకుల్ ప్రీత్ సింగ్, రానా దగ్గుబాటి, రవితేజ, ఛార్మీ కౌర్, ముమైత్ ఖాన్, తనీష్, నందు, తరుణ్‌లను ఈడీ ప్రశ్నించింది. కాల్విన్ మస్కరెన్హాస్ డ్రగ్స్ కేసులో కీలక నిందితుడుగా ప‌ట్టుబ‌డ్డాడు.