Marri Rajasekhar Reddy : మ‌ల్లారెడ్డి అల్లుడు కాలేజీలకు నోటీసులు
అనధికార నిర్మాణాలపై ఉక్కుపాదం మోపుతూ గ్రేటర్‌ హైదరాబాద్‌లో అధికారులు బుధవారం భారత రాష్ట్ర సమితి (బీఆర్ఎస్) ఎమ్మెల్యే మర్రి రాజశేఖర్‌రెడ్డికి చెందిన కాలేజీలకు నోటీసులు జారీ చేశారు
అనధికార నిర్మాణాలపై ఉక్కుపాదం మోపుతూ గ్రేటర్‌ హైదరాబాద్‌లో అధికారులు బుధవారం భారత రాష్ట్ర సమితి (బీఆర్ఎస్) ఎమ్మెల్యే మర్రి రాజశేఖర్‌రెడ్డికి చెందిన కాలేజీలకు నోటీసులు జారీ చేశారు. హైదరాబాద్ శివార్లలోని మేడ్చల్ మల్కాజిగిరి జిల్లా దుండిగల్‌లోని ఎంఎల్‌ఆర్ ఇనిస్టిట్యూట్ ఆఫ్ టెక్నాలజీ (ఎంఎల్‌ఆర్‌ఐటి), ఇనిస్టిట్యూట్ ఆఫ్ ఏరోనాటికల్ ఇంజినీరింగ్‌కు రెవెన్యూ అధికారులు నోటీసులు జారీ చేశారు. చిన దామరచెరువు చెరువులోని ఎఫ్‌టీఎల్‌, బఫర్ జోన్‌లో రెండు కళాశాలలు అక్రమంగా నిర్మించారనే ఆరోపణలున్నాయి.
ఈ రెండు కళాశాలలు BRS నాయకుడు, ఎమ్మెల్యే మల్లా రెడ్డి కుటుంబం నిర్వహిస్తున్న విద్యా సంస్థలకు చెందిన‌వి. మాజీ మంత్రి మల్లా రెడ్డి అల్లుడు రాజశేఖర్ రెడ్డి. హైడ్రా చెరువులు, బహిరంగ భూములపై ఆక్రమణలను తొలగిస్తున్న నేప‌థ్యంలో ఈ కాలేజీలకు నోటీసులు జారీ అవ‌డం చ‌ర్చ‌నీయాంశ‌మైంది.
మేడ్చల్-మల్కాజిగిరి జిల్లా వెంకటాపురంలోని నీటికుంటలోని బఫర్ జోన్‌లో అనురాగ్ యూనివర్సిటీని నిర్మించారనే ఆరోపణలపై గత వారం బీఆర్ఎస్ ఎమ్మెల్యే పల్లా రాజేశ్వర్ రెడ్డిపై కూడా పోలీసు కేసు నమోదైంది.
గాయత్రి ఎడ్యుకేషనల్ ట్రస్ట్ ఆధ్వర్యంలోని అనురాగ్ గ్రూప్ ఆఫ్ ఇన్‌స్టిట్యూషన్స్ బఫర్ జోన్‌లో ఉన్న నాదం చెరువును పాడు చేసి.. కళాశాల భవనాన్ని నిర్మించిందని ఆరోపణ‌లు వ‌చ్చాయి.
