Father of the Nation:జాతిపిత మహాత్మా గాంధీకి అవమానం

నేటి తరానికి మహాత్ముల పట్ల కొంచెం కూడా గౌరవ మర్యాదలు లేవు. చాలా మంది సోషల్‌ మీడియాకు బానిసలయ్యారు. Whatsup లో వచ్చేదే నిజమనుకుంటున్నారు. పుస్తకాలు చదవడం మానేశారు. రీల్స్‌ పిచ్చిలో విచక్షణ కోల్పోయి ఆకతాయి పనులు చేస్తున్నారు. అలాగే కొందరు మైనర్‌ బాలురు జాతిపిత మహాత్మా గాంధీ విగ్రహం నోటిలో టపాసులు పెట్టి పేల్చారు. దానిని వీడియో తీసి సోషల్‌ మీడియాలో పోస్ట్‌ చేశారు. పైశాచిక ఆనందాన్ని పొందారు. ఈ ఘటన సికింద్రాబాద్‌ కంటెన్మెంట్‌లో జరిగింది. ఈ ఉన్మాదుల పై చర్యలు తీసుకోవాలని డిమాండ్ చేస్తూ కొందరు ఆ వీడియోను హైదరాబాద్‌ సీపీకి ట్యాగ్‌ చేశారు. ఆ విధంగా విషయం వెలుగులోకి వచ్చింది. దీంతో పోలీసులు కేసు నమోదు చేశారు. దర్యాప్తు చేపట్టారు. నలుగురు మైనర్‌ బాలురను నిందితులుగా గుర్తించారు.