MLA Mainampally : హరీష్ రావు అడ్రస్ గల్లంతు చేస్తా

మల్కాజిగిరి ఎమ్మెల్యే(Malkajigiri MLA), బీఆర్ఎస్(BRS) సీనియ‌ర్ నేత మైనంపల్లి హన్మంతరావు(Mainampally Hanumantha Rao) సంచ‌ల‌న వ్యాఖ్య‌లు చేశారు. ఇందుకు సంబంధించిన వీడియో సోష‌ల్ మీడియాలో వైర‌ల్ అవుతుంది. మైనంప‌ల్లి మాట్లాడుతూ.. వచ్చే ఎన్నికల్లో సిద్దిపేటలో నా తడాఖా చూపిస్తా.. హరీష్ రావు(Harish Rao) అడ్రస్ గల్లంతు చేస్తా అంటూ వార్నింగ్ ఇచ్చారు. హరీష్ రావుకు పెద్ద ఎత్తున బుద్ధి చెప్తాను. రబ్బర్ చెప్పులు, ట్రంక్ పెట్టతో హాస్టల్ కి వచ్చిన హ‌రీష్ రావు.. ఇప్పుడు ఏ స్థాయిలో ఉన్నాడో గమనించాలి. నూటికి నూరు శాతం హరీష్ రావుకు బుద్ధి చెప్తాను. ఈసారంటే నాకు టైం లేదు. మల్కాజ్ గిరి నుంచి నేను.. మెదక్ నుంచి నా కుమారుడు పోటీ
చేస్తాం. వీటి మీద‌నే నా ఫోక‌స్ ఉంటంది. మొదట మెదక్ జిల్లా, మల్కాజిగిరి అనంతరం సిద్దిపేటలో హరీష్ రావు అడ్రస్ లేకుండా చేస్తాను అని దేవుడు మీద ప్రమాణం చేస్తున్నాను. హనుమంతరావు మాట ఇస్తేతప్పడు.. ఆయ‌న‌ దుకాణం బంద్ చేసే వరకు నిద్రపోనని వెంకటేశ్వర స్వామి మీద ప్రమాణం చేసి చెప్తున్నానని చేసిన వ్యాఖ్య‌లు నెట్టింట సంచ‌ల‌నం సృష్టిస్తున్నాయి. అభివృద్ధిని అడ్డుకున్నది హరీష్ రావే అంటూ హన్మంతరావు ఆగ్రహం వ్యక్తం చేశారు. కేసీఆర్‌.. కుటుంబంలో చాలామందికి టికెట్ ఇచ్చారు. మా ఇద్దరికి టికెట్ ఇస్తేనే పోటీ చేస్తానని స్పష్టం చేశారు. కేసీఆర్ ఈ రోజు అసెంబ్లీ ఎన్నిక‌ల‌కు టికెట్లు ప్ర‌క‌టించ‌నున్న నేప‌థ్యంలో మైనంపల్లి వ్యాఖ్య‌లు ప్ర‌కంప‌న‌లు సృష్టిస్తున్నాయి. ఈ వ్యాఖ్య‌ల‌పై మంత్రి హ‌రీష్ రావు, బీఆర్ఎస్ శ్రేణులు స్పందించాల్సివుంది.