Allu Arjun Bail at Risk?: అల్లు అర్జున్ బెయిల్ రద్దు అవుతుందా?

హైదరాబాద్ సంధ్య థియేటర్‌ ప్రాంగణం లో డిసెంబర్ 4వ తేదీన జ‌రిగిన తొక్కిసలాటలో ఒక మహిళ చనిపోయారు అన్న విషయం తెలిసిందే! ఈ ఘటనకు సంబంధించిన కేసులో అల్లు అర్జున్ (Allu Arjun) అరెస్టైన విషయం కూడా తెలిసిందే! గత శుక్రవారం బన్నీ అరెస్ట్‌ అయ్యాడు. హైకోర్టు మధ్యంతర బెయిల్‌ మంజూరు చేయడంతో శనివారం ఉదయం జైలు నుంచి విడుదలయ్యాడు. అయితే ఈ బెయిల్‌ రద్దు కానుందంటూ ఓ వార్త సోషల్ మీడియా లో చక్కర్లు కొడుతున్నది. హైకోర్టు జారీ చేసిన 4 వారాల మధ్యంతర బెయిల్ రద్దు చేసేలా పోలీసులు ప్రయత్నాలు చేస్తున్నారని వార్తలు వినిపిస్తున్నాయి. బెయిల్‌ రద్దు చేసే విషయంపై పోలీసులు సుప్రీంకోర్టును ఆశ్రయించనున్నారని తెలిసింది. ఈ ఘటనలో అల్లు అర్జున్‌ తప్పేం లేదని, పోలీసులే ఫెయిల్‌ అయ్యారంటూ ఓ వైపు చర్చ జరుగుతున్న నేపథ్యం లో సంధ్య థియేటర్(Sandhya Theatre) విజిట్‌కు వెళ్లేందుకు అల్లు అర్జున్ టీంకు పోలీసులు అనుమతి ఇవ్వలేదంటూ ఓ నివేదిక బయటకు వచ్చింది. పోలీసులు ఇదే రిపోర్ట్‌తో సుప్రీంకోర్టు(SupremeCourt)ను ఆశ్రయించి మధ్యంతర బెయిల్‌ను రద్దు చేయాలని కోరనున్నారని విశ్వసనీయ వర్గాలు చెబుతున్నాయి. దీనిపై ఏదైనా ప్రకటన వస్తే తప్ప క్లారిటీ రాదు.