iPhone 17 Air launch in 2025 : యాపిల్‌ నుంచి త్వరలో ఐఫోన్‌ 17 ఎయిర్..!

టెక్ దిగ్గజం ఆపిల్ ఈ సంవత్సరం తన అత్యంత సన్నని ఐఫోన్‌ను విడుదల చేయబోతోంది. ఆపిల్ దీనిని ఐఫోన్ 17 ఎయిర్ పేరుతో ఈ మార్కెట్లో ప్రవేశపెట్టవచ్చు. ఆపిల్ తన చరిత్రలో అత్యంత సన్నని స్మార్ట్‌ఫోన్‌గా ఐఫోన్ 17 ఎయిర్‌ను విడుదల చేయనుంది, మార్క్ గుర్మాన్ ప్రకారం, కుపెర్టినోలోని ఎగ్జిక్యూటివ్‌లు ఈ పరికరాన్ని పోర్ట్-ఫ్రీగా ఉండాలని కోరుకున్నారు, USB-Cని వదిలేశారు. బ్లూమ్‌బెర్గ్ మార్క్ గుర్మాన్ నివేదిక ప్రకారం ఈ జాబితాలో 'ఛార్జింగ్ పోర్ట్' కూడా ఉండకపోవచ్చని తెలుస్తోంది. యాపిల్ దీనిపై తుది నిర్ణయం ఇంకా తీసుకోనప్పటికీ, ఈ 'ఐఫోన్ 17 ఎయిర్​' అనేది ఛార్జింగ్ పోర్ట్ లేని ఐఫోన్ తీసుకొచ్చే దిశగా కంపెనీ కీలక అడుగు కావచ్చు. యాపిల్ తన లైట్నింగ్ పోర్ట్‌కు బదులుగా యూనివర్సల్ USB-C పోర్ట్‌ను ఉపయోగించడం ప్రారంభించినప్పటికీ, ఛార్జింగ్ పోర్ట్ లేకుండా ఐఫోన్ ఎప్పుడు వస్తుందనేది అందరి దృష్టిని ఆకర్షిస్తోంది. 6.6 OLED డిస్‌ప్లే.. సింగిల్ 48ఎంపీ రేర్ కెమెరా.. నో సిమ్‌ కార్డు ట్రే.. గుడ్‌ బ్యాటరీ లైఫ్‌. దీని ప్రారంభ ధర $899గా ఉండనుందని అంచనా.