USAvsPAK: పాకిస్థాన్ కు ఊహించని షాకిచ్చిన అమెరికా
టాస్‌ కోల్పోయి మొద‌ట బ్యాటింగ్ చేసిన పాకిస్థాన్ నిర్ణీత 20 ఓవర్లలో 7 వికెట్ల నష్టానికి 159 పరుగులకే
టాస్‌ కోల్పోయి మొద‌ట బ్యాటింగ్ చేసిన పాకిస్థాన్ నిర్ణీత 20 ఓవర్లలో 7 వికెట్ల నష్టానికి 159 పరుగులకే
ఐసీసీ మెగా టోర్నీ టీ20 వ‌ర‌ల్డ్‌క‌ప్‌లో సంచ‌ల‌నం న‌మోదైంది. డ‌ల్లాస్ వేదిక‌గా జ‌రిగిన మ్యాచ్‌లో అమెరికా పాకిస్థాన్‌కు షాక్ ఇచ్చింది. అమెరికా ఈ మ్యాచ్ ను సూపర్ ఓవ‌ర్ వ‌ర‌కు తీసుకెళ్లి సంచ‌ల‌న విజయం సాధించింది. మహమ్మద్ అమీర్‌ వేసిన సూపర్ ఓవర్‌లో అమెరికా ఒక వికెట్ కోల్పోయి 18 పరుగులు చేసింది. ఆ తర్వాత బ్యాటింగ్‌కు దిగిన పాక్ వికెట్ కోల్పోయి 13 పరుగులకు పరిమితమైంది. టీ20ల్లో పాక్‌పై అమెరికాకు ఇదే తొలి విజయం.
టాస్‌ కోల్పోయి మొద‌ట బ్యాటింగ్ చేసిన పాకిస్థాన్ నిర్ణీత 20 ఓవర్లలో 7 వికెట్ల నష్టానికి 159 పరుగులకే పరిమితమైంది. కెప్టెన్‌ బాబర్‌ ఆజమ్‌ (44), షాదాబ్‌ ఖాన్‌ (40) రాణించారు. ఆఖర్లో షహీన్‌ షా ఆఫ్రిది (16 బంతుల్లో 23 నాటౌట్‌) హిట్టింగ్ చేశాడు. రిజ్వాన్‌(9), ఉస్మాన్‌ఖాన్‌(3) ఫకర్‌ జమాన్‌(11), అజమ్‌ఖాన్‌(0) ఘోరంగా విఫలమయ్యారు. అమెరికా బౌలర్లలో నొస్తుష్‌ కెంజిగె 3, నేత్రవల్కర్ 2 వికెట్లు ప‌డ‌గొట్ట‌గా.. అలీ ఖాన్‌, జ‌స్దీప్ సింగ్ చెరో వికెట్ తీశారు.
160 ప‌రుగుల లక్ష్యఛేదనకు దిగిన అమెరికా 20 ఓవర్లలో 3 వికెట్లు కోల్పోయి 159 పరుగులు చేసింది. దీంతో మ్యాచ్ టై అయ్యింది. ఓపెనర్ మోనాక్‌ పటేల్ అర్ధ‌శ‌త‌కం (50) తో రాణించగా.. అరోన్‌ జోన్స్ (36 నాటౌట్‌), అండ్రిస్‌ గౌస్‌(35) పరుగులు చేశారు. పాక్ బౌలర్లలో అమిర్‌, నసీమ్‌షా, రవూఫ్ త‌లో వికెట్ ప‌డ‌గొట్టారు. ఇక సూపర్ ఓవర్‌లో యూఎస్‌ ఒక వికెట్ కోల్పోయి 18 పరుగులు చేయ‌గా, ఆ తర్వాత బ్యాటింగ్‌కు దిగిన పాక్ వికెట్ కోల్పోయి 13 పరుగులకు పరిమితమైంది. తర్వాతి మ్యాచ్ లో టీమిండియాతో పాకిస్థాన్ జట్టు ఈ ఆదివారం తలపడనుంది. ఆ మ్యాచ్ ఏమైనా తేడా కొడితే మాత్రం పాక్ జట్టు టోర్నమెంట్ నుండి దాదాపుగా అవుట్ అయినట్లే.
