RCB vs CSK : మెగా మ్యాచ్‌కు వ‌ర్షం అడ్డంకి.. ఆర్సీబీ ప్లేఆఫ్స్‌కు చేరుకుంటుందా.?

IPL 2024లో మెగా మ్యాచ్ శనివారం రాయల్ ఛాలెంజర్స్ బెంగళూరు (RCB), డిఫెండింగ్ ఛాంపియన్ చెన్నై సూపర్ కింగ్స్ (CSK) మధ్య జరుగుతుంది. చెన్నై సూపర్ కింగ్స్ టాస్ గెలిచి ఆర్సీబీకి బ్యాటింగ్ అప్ప‌గించ‌గా.. వర్షం అంత‌రాయం క‌లిగించ‌డంతో మ్యాచ్ మధ్యలోనే ఆగిపోయింది. విరాట్ కోహ్లీ 19 పరుగులతో, ఫాఫ్ డుప్లెసిస్ 12 పరుగులతో నాటౌట్‌గా ఆడుతున్నారు. మూడు ఓవర్ల తర్వాత జట్టు స్కోరు 31/0. రెండు జట్లూ ప్లేఆఫ్‌కు చేరువలో ఉన్నాయి. కోల్‌కతా నైట్ రైడర్స్ (కెకెఆర్), రాజస్థాన్ రాయల్స్, సన్‌రైజర్స్ హైదరాబాద్ జట్లు ఇప్పటికే నాకౌట్‌కు చేరుకోగా.. నాలుగో స్థానం కోసం సిఎస్‌కె, ఆర్‌సిబి మధ్య పోటీ నెలకొంది. దీంతో ఈ సీజన్‌లో ఇది అత్యంత ముఖ్యమైన మ్యాచ్‌గా మారింది.

అయితే ఈ మ్యాచ్‌కు వర్షం అడ్డంకిగా మారింది. మే 18న బెంగళూరు సెంట్రల్ ప్రాంతంలో గంటకు 40-50 కి.మీ వేగంతో గాలులు వీస్తాయని, ఈదురు గాలులు వీస్తాయని భారత వాతావరణ శాఖ అంచనా వేసింది. గత రెండు వారాలుగా బెంగళూరులో ఎడతెరిపి లేకుండా వర్షాలు కురుస్తున్నాయి, వాతావరణ శాఖ ప్రకారం.. CSK, RCB మధ్య మ్యాచ్ సందర్భంగా వర్షం వచ్చే అవకాశం ఉందని పేర్కొంది. మ్యాచ్ జ‌రిగి ఆర్సీబీ ప్లేఆఫ్‌కు చేరుకుంటుందా.. లేక నెట్ ర‌న్‌రేట్ ప్ర‌కారం.. చెన్నై నాకౌట్ చేరుకుంటుందా చూడాలి మ‌రి.