Rishabh Pant : రిషబ్ పంత్ సంచలన ప్రకటన.. నీరజ్ చోప్రా స్వ‌ర్ణం గెలిస్తే..
భారత గోల్డెన్ బాయ్ నీరజ్ చోప్రా మంగళవారం పారిస్ ఒలింపిక్స్‌లో తన ఈవెంట్‌ను ఘ‌నంగా ప్రారంభించాడు.
భారత గోల్డెన్ బాయ్ నీరజ్ చోప్రా మంగళవారం పారిస్ ఒలింపిక్స్‌లో తన ఈవెంట్‌ను ఘ‌నంగా ప్రారంభించాడు. క్వాలిఫికేషన్ రౌండ్‌లో టోక్యో ఒలింపిక్స్ స్వర్ణ పతక విజేత నీరజ్ చోప్రా 89.34 మీటర్లు జావెలిన్ విసిరి ఫైనల్‌కు చేరాడు. ఈ సీజన్‌లో అతని అత్యుత్తమ త్రో ఇదే. దీనిపై భారత క్రికెట్‌ జట్టు స్టార్ వికెట్ కీపర్, బ్యాట్స్‌మెన్ రిషబ్ పంత్ ఓ పెద్ద ప్రకటన చేశాడు.
భారత జట్టు స్టార్ క్రికెటర్ రిషబ్ పంత్ సంచలన ప్రకటన చేశాడు. ఫైనల్‌లో నీరజ్ చోప్రా భారత్‌కు బంగారు పతకాన్ని గెలిస్తే.. ఓ ల‌క్కీ అభిమానికి 1,00,089 రూపాయల మొత్తాన్ని బహుమతిగా ఇస్తానని ప్ర‌క‌టించాడు. అలాగే 10 విమానం టికెట్లు ఇస్తానని ట్వీట్‌లో రాశాడు.
మ్యాచ్ అనంతరం అధికారిక బ్రాడ్‌కాస్టర్‌తో మాట్లాడిన నీరజ్.. నాతో ఎప్పటికీ ఈ చొరవ ఉంటుంది. రాబోయే తరానికి స్ఫూర్తి లభిస్తుంది.. నాకు ఇంతకంటే పెద్ద గోల్‌ ఏమీ లేదని భావిస్తున్నాను. నీరజ్ చేయగలిగితే.. మనం కూడా చేయగలం అని నమ్ముతారు. ఎందుకంటే నేను కూడా ఓ సాధారణ కుటుంబం నుండి వచ్చాను. నేను పారిస్‌కు వచ్చిన పని పూర్తిచేస్తానని వ్యాఖ్యానించాడు.
