Orange Cap : కోహ్లీ నుండి ఆరెంజ్ క్యాప్ లాక్కున్న యువ బ్యాట్స్మెన్
ఐపీఎల్ 2024 14వ మ్యాచ్లో సోమవారం ముంబై ఇండియన్స్, రాజస్థాన్ రాయల్స్ జట్లు తలపడ్డాయి.

Orange Cap IPL 2024 Riyan Parag jumps to top spot, Virat Kohli slides to 2nd place
ఐపీఎల్ 2024 14వ మ్యాచ్లో సోమవారం ముంబై ఇండియన్స్, రాజస్థాన్ రాయల్స్ జట్లు తలపడ్డాయి. ఈ మ్యాచ్లో ముంబై 6 వికెట్ల తేడాతో ఘోర పరాజయం పాలైంది. హార్దిక్ పాండ్యా నేతృత్వంలోని ముంబై ఇండియన్స్కు ఇది వరుసగా మూడో ఓటమి. ఈ మ్యాచ్లో బౌలర్ల ఆధిపత్యం స్పష్టంగా కనిపించినా.. యువ బ్యాట్స్మెన్ ర్యాన్ పరాగ్ అర్ధ సెంచరీతో తన సత్తా చాటాడు.
ఈ మ్యాచ్లో రియాన్ పరాగ్ మినహా మరే బ్యాట్స్మెన్ హాఫ్ సెంచరీ నమోదు చేయకపోవడం గమనార్హం. రియాన్ పరాగ్ 39 బంతుల్లో ఐదు ఫోర్లు, మూడు సిక్సర్ల సాయంతో 54 పరుగులతో అజేయంగా నిలిచి మ్యాచ్ విన్నింగ్ ఇన్నింగ్స్ ఆడాడు. రియాన్ పరాగ్కి ఈ ఇన్నింగ్స్ ప్రత్యేకమైనది ఎందుకంటే అతడు విరాట్ కోహ్లి నుంచి ఆరెంజ్ క్యాప్ను లాగేసుకున్నాడు. అవును.. రియాన్ పరాగ్ ఇప్పుడు IPL 2024లో అత్యధిక పరుగులు చేసిన బ్యాట్స్మెన్గా నిలిచాడు.
రియాన్ పరాగ్ 3 మ్యాచ్లలో రెండు అర్ధ సెంచరీల సహాయంతో 181 పరుగులు చేశాడు. టోర్నమెంట్లో అత్యధిక పరుగులు చేసిన బ్యాట్స్మెన్లలో అతడు అగ్ర స్థానానికి చేరుకున్నాడు. రెండు అర్ధ సెంచరీల సాయంతో 3 మ్యాచ్ల్లో 181 పరుగులు చేసి విరాట్ కోహ్లీని పరాగ్ రెండో స్థానానికి నెట్టాడు. సన్రైజర్స్ హైదరాబాద్ ఆటగాడు హెన్రిచ్ క్లాసెన్ 3 మ్యాచ్ల్లో 167 పరుగులతో మూడో స్థానంలో కొనసాగుతున్నాడు. పంజాబ్ కింగ్స్ కెప్టెన్ శిఖర్ ధావన్ 3 మ్యాచ్ల్లో 137 పరుగులు చేసి నాలుగో స్థానంలో ఉన్నాడు. ఢిల్లీ క్యాపిటల్స్ ఓపెనర్ డేవిడ్ వార్నర్ 3 మ్యాచ్ల్లో 130 పరుగులు చేసి టాప్-5 లో ఉన్నాడు. ఆరెంజ్ క్యాప్ రేసులో రియాన్ పరాగ్ అంతకుముందు ఐదో స్థానంలో ఉండగా.. తాజా అర్ధ సెంచరీ తర్వాత నేరుగా అగ్ర స్థానానికి ఎగబాకాడు.
