IND vs PAK T20 World Cup 2024 game: హై ఓల్టేజ్ మ్యాచ్ కు సర్వం సిద్ధం

పురుషుల టీ20 ప్రపంచకప్ గ్రూప్-ఎ మ్యాచ్‌లో భాగంగా ఈరోజు రాత్రి 8 గంటలకు భారత్ పాకిస్థాన్‌తో తలపడనుంది. 2012–13 సీజన్ నుండి, ఈ రెండు జట్లు ఆసియా కప్, ICC ప్రపంచ కప్‌ల వంటి టోర్నీలలో మాత్రమే తలపడ్డాయి. చివరిసారిగా ఇరు జట్లు 2022 అక్టోబర్‌లో మెల్‌బోర్న్ క్రికెట్ స్టేడియంలో తలపడ్డాయి. T20 ప్రపంచ కప్ 2024ను USA, వెస్టిండీస్ లలో సంయుక్తంగా నిర్వహించనున్నారు.

ఐర్లాండ్‌పై ఆధిపత్యం చెలాయించిన భారతజట్టు టాప్ ఫామ్‌లో ఉంది. ఇక యుఎస్‌ఏ తో జరిగిన మ్యాచ్ లో పాకిస్తాన్ ఓటమి పాలైంది. అయితే తిరిగి పుంజుకోవాలని చూస్తోంది. న్యూయార్క్‌లోని లాంగ్ ఐలాండ్‌లోని నాసావు ఇంటర్నేషనల్ క్రికెట్ స్టేడియంలో ఈ మ్యాచ్ జరగనుంది. భారతదేశంలో, స్టార్ స్పోర్ట్స్ నెట్‌వర్క్‌లో మ్యాచ్ ప్రత్యక్ష ప్రసారం చేయబడుతుంది. మ్యాచ్ డిస్నీ+ హాట్‌స్టార్ యాప్ మరియు వెబ్‌సైట్‌లో ప్రత్యక్ష ప్రసారం చేయనున్నారు.