Sanju Samson revealed the secret about Butler : ఓట‌మి త‌ర్వాత బ‌ట్ల‌ర్ గురించి ర‌హ‌స్యాన్ని బ‌య‌ట‌పెట్టిన సంజూ శాంసన్.. ఆందోళనలో అభిమానులు

ఐపీఎల్ 2023(IPL 2023)లో బలమైన జట్లలో ఒకటిగా పరిగణించబడుతున్న రాజస్థాన్ రాయల్స్(Rajasthan Royals).. బుధవారం జరిగిన ఉత్కంఠ మ్యాచ్‌లో పంజాబ్ కింగ్స్(Punjab Kings) చేతిలో 5 పరుగుల తేడాతో ఓడిపోయింది. పంజాబ్ నిర్దేశించిన 198 పరుగుల లక్ష్యాన్ని ఛేదించడంలో రాజస్థాన్ 192 పరుగులు మాత్రమే చేయగలిగింది. ఈ మ్యాచ్‌లో అతని స్టార్ ప్లేయర్ జోస్ బట్లర్(Jos Buttler), యువ బ్యాట్స్‌మెన్‌ యశస్వి జైస్వాల్(Yashasvi Jaiswal) రాజస్థాన్ రాయల్స్ ఇన్నింగ్స్‌ను ప్రారంభించలేదు. రవిచంద్రన్ అశ్విన్(Ravichandran Ashwin) ఓపెనింగ్‌కు దిగాడు. 4 బంతులు ఆడిన అశ్విన్ ఖాతా కూడా తెరవలేకుండా అవుట‌య్యాడు. అయితే అశ్విన్ ఓపెనింగ్ రావ‌డం వెన‌క ఉన్న‌ అసలు రహస్యాన్ని కెప్టెన్ సంజు శాంసన్ బ‌య‌ట‌పెట్టాడు.

కెప్టెన్ సంజూ శాంసన్(Sanju Samson) బయటపెట్టిన సీక్రెట్ తర్వాత రాజస్థాన్ శిబిరంలో కూడా టెన్షన్ పెరిగింది. యశస్వి, అశ్విన్‌లు ఓపెనింగ్‌ చేయడం నాట‌కీయ ప‌రిణామంలా అనిపించింది. అయితే దీనికి అసలు కారణాన్ని సంజు చెప్పడంతో అభిమానుల్లో ఆందోళన పెరిగింది. జోస్ బట్లర్ వేలి గాయం, కుట్లు ప్రస్తావనకు వచ్చాయి. రాజస్థాన్ రాయల్స్ జట్టులో బట్లర్ అత్యంత కీలక ఆటగాడు. బట్లర్ క్రీజులో ఉంటే ఆ జట్టుకు విజ‌యం న‌ల్లేరు మీద న‌డ‌కే.. ఈ విష‌యం గ‌త‌ కొన్ని సీజన్లుగా కనిపిస్తూనే ఉంది. బట్లర్ లేడంటే ఆ టీమ్ కు సమస్యలు తలెత్తుతాయి. పంజాబ్‌పై మ్యాచ్‌లో కూడా అదే కజ‌రిగింది. మరి బట్లర్ గాయం ఎంత తీవ్రంగా ఉంటుందో చూడాలి. ప్రస్తుతం దీనికి సంబంధించిన అప్‌డేట్ కోసం రాజస్థాన్ అభిమానులు ఎదురుచూస్తున్నారు.

పంజాబ్‌పై ఓటమి తర్వాత రవిచంద్రన్ అశ్విన్‌తో కలిసి ఇన్నింగ్స్‌ను ప్రారంభించాలనే నిర్ణయాన్ని రాజస్థాన్ రాయల్స్ కెప్టెన్ సంజూ శాంసన్ సమర్థించుకున్నాడు. జోస్ బట్లర్ ఇన్నింగ్స్ ప్రారంభించక‌పోయినా.. దేవదత్ పడిక్కల్ ఓపెన‌ర్‌గా ఆడిన అనుభ‌వం ఉన్న ఆట‌గాడు.. ఉన్నప్పటికీ అశ్విన్‌ను ఎందుకు పంపించారనేది పెద్ద ప్రశ్న. ఈ విష‌యం గురించి శాంసన్‌ని అడగ్గా.. జోస్ ఫిట్‌గా లేడని మ్యాచ్ అనంతరం చెప్పాడు. క్యాచ్ తర్వాత అతని వేలికి కుట్లు పడ్డాయి. దేవదత్ పడిక్కల్‌తో ఇన్నింగ్స్‌ను ప్రారంభించకపోవడంపై అడ‌గ్గా.. వారికి ఇద్దరు స్పిన్నర్లు, ఒక లెగ్ స్పిన్నర్ ఉన్నారు. మిడిల్ ఓవర్లలో ఈ ఎడమచేతి వాటం బ్యాట్స్‌మన్ కావాలనుకున్నామ‌ని తెలిపాడు.

మరోవైపు, ఇంపాక్ట్ ప్లేయర్‌గా వచ్చిన ధృవ్ జురెల్‌ను కెప్టెన్ సంజు శాంసన్ ప్రశంసించాడు. ధృవ్ గత రెండు సీజన్‌లుగా మాతోనే ఉన్నాడని చెప్పాడు. మేమంతా నిజంగా సంతోషంగా ఉన్నాం. ధృవ్ మా శిబిరంలో ఐదు వారాలపాటు సాధ‌న చేశాడు, వేలాది బంతులను ఎదుర్కొన్నాడు. అలాంటి బ్యాట్స్‌మెన్ మా జట్టులో ఉన్నందుకు సంతోషంగా ఉందని పేర్కొన్నాడు. ఈ మ్యాచ్‌లో రాజస్థాన్ ఓడిపోయింది.. అయితే ధ్రువ్ 15 బంతుల్లో అజేయంగా 32 పరుగులు చేసి అందరి దృష్టిని ఆకర్షించాడు.

ఈ మ్యాచ్ లో పంజాబ్‌ కెప్టెన్ శిఖర్ ధావన్ (56 బంతుల్లో 86 పరుగులు, తొమ్మిది ఫోర్లు, మూడు సిక్సర్లు), ప్రభ్‌సిమ్రాన్ సింగ్ (34 బంతుల్లో 60 పరుగులు, ఏడు ఫోర్లు, మూడు సిక్సర్లు)లు తొలి వికెట్‌కు 90 పరుగులు చేసింది. మొత్తం 20 ఓవ‌ర్ల‌లో నాలుగు వికెట్లకు 197 పరుగులు చేసింది. ధావన్, జితేష్ శర్మ (27)తో కలిసి రెండో వికెట్‌కు 66 పరుగులు జోడించాడు. దీనికి సమాధానంగా రాజస్థాన్ రాయల్స్ జట్టు ఏడు వికెట్లకు 192 పరుగులు మాత్రమే చేయగలిగింది. నాథన్ ఎల్లిస్ నాలుగు వికెట్లు ప‌డ‌గొట్టాడు. రాయల్స్‌లో కెప్టెన్ సంజు శాంసన్ (42) టాప్ స్కోరర్‌గా నిలిచాడు. చివ‌ర్లో షిమ్రాన్ హెట్మెయర్ (17 బంతుల్లో 36 పరుగులు, మూడు సిక్సర్లు, ఒక ఫోర్), ధ్రువ్ జురెల్ (15 బంతుల్లో 32 నాటౌట్) మెరిశారు.