IND vs ENG 2nd Test : గాయ‌ప‌డిన జడేజా, రాహుల్ స్థానంలో జట్టులోకి ఎవ‌రొచ్చారో తెలుసా..?
ఇంగ్లండ్‌తో జరుగ‌నున్న రెండో టెస్టుకు ముందు టీమిండియాకు రెండు గ‌ట్టి షాక్‌లు త‌గిలాయి. రవీంద్ర జడేజా, కేఎల్ రాహుల్ గాయపడి రెండో టెస్టుకు జట్టుకు దూరమయ్యారు.
Big Blow To Team India Before The Second Test, Jadeja And Rahul Are Out, Sarfaraz Entry
ఇంగ్లండ్(England)తో జరుగ‌నున్న రెండో టెస్టుకు ముందు టీమిండియా(TeamIndia)కు రెండు గ‌ట్టి షాక్‌లు త‌గిలాయి. రవీంద్ర జడేజా(Ravindra Jadeja), కేఎల్ రాహుల్(KL Rahul) గాయపడి రెండో టెస్టుకు జట్టుకు దూరమయ్యారు. ఈ మేరకు బీసీసీఐ(BCCI) సమాచారం ఇచ్చింది. రెండో టెస్టు ఫిబ్రవరి 2 నుంచి ప్రారంభం కానుంది. జడేజాకు స్నాయువు గాయం కాగా, రాహుల్‌కు క్వాడ్రిసెప్స్ గాయం ఉంది. వీరిద్ద‌రినీ బీసీసీఐ వైద్య బృందం పర్యవేక్షిస్తోందని బోర్డు తెలిపింది. దీంతో పాటు ఈ ఇద్దరి స్థానంలో ముగ్గురు ఆటగాళ్లను సెలక్షన్ కమిటీ జట్టులోకి తీసుకుంది.
బ్యాట్స్‌మెన్ సర్ఫరాజ్ ఖాన్(Sarfaraj Khan), లెఫ్టార్మ్ స్పిన్నర్ సౌరభ్ కుమార్(Saurabh Kumar), ఆల్ రౌండర్ వాషింగ్టన్ సుందర్(Washington Sundar)లకు చోటు దక్కింది. ఇంగ్లండ్ లయన్స్(England Lions)తో జరిగిన ఇండియా ఎ జట్టులో సుందర్ సభ్యుడు. సుందర్ స్థానంలో సరన్ష్ జైన్‌ను ఇండియా-ఎలో చేర్చారు. ఫిబ్రవరి 1 నుంచి అహ్మదాబాద్‌లో ఇండియా ఎ, ఇంగ్లండ్ లయన్స్ మధ్య చివరి మ్యాచ్ జరగనుంది.
అవేశ్ ఖాన్(Avesh Khan) భారత జట్టులో భాగమైనప్పటికీ, అతడు రంజీ ట్రోఫీలో మధ్యప్రదేశ్ జట్టుతో పాటు త‌న ప్రయాణం కొనసాగిస్తాడని, అవసరమైతే జట్టులోకి పిలుస్తామ‌ని బీసీసీఐ తెలిపింది. ఇంగ్లండ్‌తో జరిగిన తొలి టెస్టులో జడేజా(Jadeja), రాహుల్(Rahul) టీమ్ ఇండియా ట్రబుల్ షూటర్‌లుగా నిలిచారు. తొలి ఇన్నింగ్స్‌లో రాహుల్ 86 పరుగులు చేయగా, జడేజా 87 పరుగులు చేశాడు. అయినా తొలి టెస్టులో టీమిండియా ఓడిపోయింది.
గత కొన్ని సీజన్లుగా దేశవాళీ క్రికెట్‌లో అత్యధిక పరుగులు చేసిన వారిలో సర్ఫరాజ్ ఒకడు. అయితే ఇంగ్లండ్‌తో జరిగిన రెండు టెస్టులకు జట్టును ఎంపిక చేసేటప్పుడు సెలెక్టర్లు అతనిని పట్టించుకోలేదు. సర్ఫరాజ్ 45 ఫస్ట్ క్లాస్ మ్యాచ్‌ల్లో 69.85 సగటుతో 3,912 పరుగులు చేశాడు. అందులో 14 సెంచరీలు, 11 అర్ధ సెంచరీలు ఉన్నాయి. 301 నాటౌట్ అతని అత్యధిక స్కోరు. చాలా కాలంగా అతడిని జట్టులోకి తీసుకురావాలని డిమాండ్ ఉండగా.. ఇప్పుడు ఆ అవకాశం వచ్చింది.
అదే సమయంలో వాషింగ్టన్ సుందర్ భారత్ తరఫున నాలుగు టెస్టులు ఆడాడు. ఇందులో ఆరు వికెట్లు తీశాడు. 89 పరుగులకు మూడు వికెట్లు పడగొట్టాడు. ఇదే అతని అత్యుత్తమ బౌలింగ్. ఇది కాకుండా సుందర్ కూడా 66.25 సగటుతో 265 పరుగులు చేశాడు. వీటిలో మూడు అర్ధ సెంచరీలు ఉన్నాయి. అతని అత్యుత్తమ స్కోరు 96 నాటౌట్. సుందర్ 26 ఫస్ట్ క్లాస్ మ్యాచ్‌లు ఆడాడు. అందులో 55 వికెట్లు పడగొట్టాడు. 87 పరుగులకే ఆరు వికెట్లు తీశాడు.. అదే అతని అత్యుత్తమ బౌలింగ్. 31.91 సగటుతో 1,085 పరుగులు కూడా చేశాడు. 159 పరుగులు అతని అత్యుత్తమ స్కోరు.
30 ఏళ్ల లెఫ్ట్ ఆర్మ్ స్పిన్నర్ సౌరభ్ కుమార్ ఇంతకు ముందు భారత జట్టులో సభ్యుడిగా ఉన్నాడు. కానీ ఇప్పటి వరకు అంతర్జాతీయ అరంగేట్రం చేయలేకపోయాడు. 68 ఫస్ట్ క్లాస్ మ్యాచ్‌ల్లో 290 వికెట్లు తీశాడు. 64 పరుగులకే ఎనిమిది వికెట్లు అతని అత్యుత్తమ బౌలింగ్. అతను 27.11 సగటుతో 2,061 పరుగులు చేశాడు. 133 పరుగులు అతని అత్యుత్తమ వ్య‌క్తిగ‌త స్కోరు. ఫస్ట్ క్లాస్ క్రికెట్‌లో రెండు సెంచరీలు, 12 హాఫ్ సెంచరీలు చేశాడు.
రెండో టెస్టుకు భారత జట్టు:
రోహిత్ శర్మ (కెప్టెన్), శుభమన్ గిల్, యశస్వి జైస్వాల్, శ్రేయాస్ అయ్యర్, కెఎస్ భరత్ (వికెట్ కీపర్), ధృవ్ జురెల్ (వికెట్ కీపర్), రవిచంద్రన్ అశ్విన్, అక్షర్ పటేల్, కుల్దీప్ యాదవ్, మహ్మద్ సిరాజ్. ముఖేష్ కుమార్, జస్ప్రీత్ బుమ్రా (వైస్ కెప్టెన్), అవేష్ ఖాన్, రజత్ పటీదార్, సర్ఫరాజ్ ఖాన్, వాషింగ్టన్ సుందర్, సౌరభ్ కుమార్.
