Winter Session Of Parliament : డిసెంబర్‌ 4 నుంచి పార్లమెంట్‌ సమావేశాలు.. 18 బిల్లులను ప్రవేశ పెట్టనున్న కేంద్రం..

పార్లమెంట్‌ శీతాకాల సమావేశాలు(Winter Session Of Parliament) వచ్చే నెల 4వ తేదీ నుంచి 22వ తేదీ వరకు జరుగుతాయి. ఈ సమావేశాలలో 18 బిల్లులను ప్రవేశపెట్టాలని కేంద్రం(Central0 నిర్ణయించింది. వీటిల్లో రెండు జమ్ముకశ్మీర్‌, పుదుచ్చేరిలలో మహిళా రిజర్వేషన్లు వర్తింపు బిల్లులు, ఐపీసీ స్థానంలో తెచ్చే మూడు నేర శిక్షా స్మృతి బిల్లులు ఉన్నాయి. శీతాకాల సమావేశాల్లో జమ్మూకశ్మీర్​ అసెంబ్లీ లో ఉన్న సీట్ల సంఖ్యను 107 నుంచి 114 కు పెంచే బిల్లు పార్లమెంట్​ ముందుకు రానుంది. దీని వల్ల కశ్మీర్​ నుంచి వలస వెళ్లిన వారికి, శరణార్థులకు, ఎస్టీ లకు చట్ట సభలో ప్రాతినిథ్యం లభించనుంది.
ఈ బిల్లులతో పాటు 2023-24 కు సంబంధించి సప్లిమెంటరీ గ్రాంట్ల పై సమావేశాల్లో చర్చ, ఓటింగ్​ జరగనుంది.. ఐపీసీ చట్టాల స్థానంలో ద భారతీయ న్యాయ సంహిత,భారతీయ నాగరిక సురక్ష సంహిత, భారతీయ సాక్ష్య బిల్లును కేంద్రం తీసుకొస్తున్నది. సమావేశాల ప్రారంభానికి ముందు డిసెంబర్​ 2 న అఖిల పక్ష సమావేశాన్ని నిర్వహించనున్నట్లు పార్లమెంటరీ వ్యవహారాల మంత్రి ప్రహ్లాద్​ జోషి తెలిపారు..