Uttar Pradesh : మొబైల్‌ అడిగినందుకు కత్తెరతో భర్త కంట్లో పొడిచిన భార్య

పాటలు వినడానికి మొబైల్‌ ఫోన్‌(Mobile Phone) అడిగిన పాపానికి భర్త కంట్లో కత్తెరతో(scissors) పొడించేసింది ఓ భార్యమణి. ఈ దారుణం ఉత్తరప్రదేశ్‌లోని(Uttar Pradesh) బాగ్‌పత్‌లో(Bagpath) చోటు చేసుకుంది. యూట్యూబ్‌లో(Youtube) పాటలు వినడానికి అంకిత్‌(Ankith) తన భార్య ప్రియాంకను(Priyanka) ఫోన్‌ అడిగాడు. అందుకు ఆమె తిరస్కరించింది. 'నీ ఫోన్‌లోనే చూసుకో' అంటూ రాష్‌గా మాట్లాడింది. దాంతో ఇద్దరి మధ్య గొడవ మొదలయ్యింది. ఆ గొడవ క్రమక్రమంగా పెద్దదయ్యింది. ఓ దశలో కోపం పట్టలేక ప్రియాంక కత్తెరతో అంకిత్‌ కంట్లో పొడిచింది. ప్రస్తుతం అతడు ఆసుపత్రిలో చికిత్స తీసుకుంటున్నాడు. బరౌత్‌ పోలీస్‌ స్టేషన్‌లో కేసు నమోదయ్యింది. విచారణ తర్వాత తదుపరి చర్యలు తీసుకుంటామని స్టేషన్‌ ఇన్‌ఛార్జ్‌ సవిరత్న గౌతమ్‌ తెలిపాడు