Delhi Water tan Video : బిల్డింగ్‌పై నుంచి వాటర్‌ ట్యాంక్‌ మీద పడ్డా ఆమెకు ఏమీ కాలేదు...! ఎలాగా?
అదృష్టవంతులను చెరిపేవాళ్లు లేరంటారు పెద్దలు. పిసరంత లక్కున్నా చాలు ఎంత పెద్ద ప్రమాదంలోంచైనా ఇట్టే బయటపడవచ్చు.
అదృష్టవంతులను చెరిపేవాళ్లు లేరంటారు పెద్దలు. పిసరంత లక్కున్నా చాలు ఎంత పెద్ద ప్రమాదంలోంచైనా ఇట్టే బయటపడవచ్చు. ఇది నిజమేనని ఓ మహిళ ప్రూఫ్‌ చేసింది! వీధిలో నడుచుకుంటూ వెళుతున్న ఆమెపై ఓ పెద్ద వాటర్‌ ట్యాంక్‌(Water tank) పడింది. అయినా ఆమెకు వీసమెత్తు గాయం కూడా కాలేదు. ఢిల్లీలో(Delhi) జరిగిన ఈ ఘటన అందరినీ ఆశ్చర్యంలో ముంచెత్తింది. తన ఇంటి ఎదురుగా ఉండే మరో మహిళతో మాట్లాడిన తర్వాత రోడ్డుపై నడుచుకుంటూ తన ఇంటికి వెళుతోందా మహిళ. పైగా ఆపిల్ పండును తింటూ! అంతలోనే ఓ వాటర్‌ ట్యాంక్‌ ఆమెపై పడింది. ట్యాంక్‌ అడుగు భాగంలో రంధ్రం ఉండటంతో ఆమె బతికిపోయింది. మనిషంత ఎత్తున్న ఆ ట్యాంక్‌లో ఆమె చిక్కుకుపోయింది. ఇది చూసి చుట్టుపక్కలవాళ్లు పరుగెత్తుకుంటూ వచ్చారు. వాటర్‌ టాంక్‌ను నిర్లక్ష్యంగా పడేసిన వారిని సుతిమెత్తగా తిట్టారు. ఈ ఘటనకు సంబంధించిన దృశ్యాలు ప్రస్తుతం సోషల్‌ మీడియాలో వైరల్‌ అవుతున్నాయి. ఇప్పటికే పది లక్షలకు పైగా ఈ వీడియోను చూశారు. కామెంట్లు కూడా వేలకొద్దీ వస్తున్నాయి. రోజుకో ఆపిల్ తినండి.. డాక్టర్‌కు దూరంగా ఉండండి అంటూ ఓ నెటిజన్‌ కామెంట్‌ చేశాడు.
