Bangladesh : బంగ్లాదేశ్‌లో హిందువులు, దేవాలయాలపై దాడులు.. ఢాకా వెళ్లనున్న ఐక్యరాజ్యసమితి బృందం
బంగ్లాదేశ్‌లో ఇటీవల హింసాత్మ‌క ఘ‌ట‌న‌లు జ‌రిగిన విష‌యం తెలిసిందే. ఈ ఘ‌ట‌న‌ల్లో వందలాది మంది ప్రాణాలు కోల్పోగా, వేలాది మంది గాయపడ్డారు
బంగ్లాదేశ్‌లో ఇటీవల హింసాత్మ‌క ఘ‌ట‌న‌లు జ‌రిగిన విష‌యం తెలిసిందే. ఈ ఘ‌ట‌న‌ల్లో వందలాది మంది ప్రాణాలు కోల్పోగా, వేలాది మంది గాయపడ్డారు. దేశంలో రాజకీయ పరిణామాలు, అధికార మార్పిడి తర్వాత బంగ్లాదేశ్‌లో మైనారిటీ హిందూ సమాజంపై అఘాయిత్యాల నివేదికలు తెరపైకి వస్తున్నాయి. కాగా, ఐక్యరాజ్యసమితి మానవ హక్కుల బృందం వచ్చే వారం బంగ్లాదేశ్‌లో పర్యటించనుంది. బంగ్లాదేశ్‌లో ఇటీవలి హింసాకాండ సందర్భంగా మానవ హక్కుల ఉల్లంఘనలపై తాత్కాలిక ప్రభుత్వంతో చర్చించడానికి బృందం ఢాకాలో సమావేశం కానుంది.
ఐక్యరాజ్యసమితి సెక్రటరీ జనరల్ ఆంటోనియో గుటెర్రెస్, డిప్యూటీ ప్రతినిధి ఫర్హాన్ హక్ శుక్రవారం మాట్లాడుతూ.. UN మానవ హక్కుల కార్యాలయం బంగ్లాదేశ్‌కు అందించిన సహాయం, జవాబుదారీతనంపై మానవ హక్కుల హైకమీషనర్ వోల్కర్ టర్క్ చర్చించారు.
బంగ్లాదేశ్‌ను సందర్శించే మానవ హక్కుల బృందం.. తాత్కాలిక ప్రభుత్వంతో "ఇటీవలి హింస, అశాంతి సందర్భంలో మానవ హక్కుల ఉల్లంఘనలపై పరిశోధించడానికి.. అందిన సహాయంపై చర్చిస్తుందని హక్ చెప్పారు. వోల్కర్ టర్క్ జెనీవాలో విడుదల చేసిన ఒక ప్రకటనలో.. బంగ్లాదేశ్‌లో అన్ని మానవ హక్కుల ఉల్లంఘనలు, దుర్వినియోగాలపై సమగ్ర, నిష్పాక్షిక, పారదర్శక దర్యాప్తు ఒక ముఖ్యమైన మొదటి అడుగు అని అన్నారు.
ఇదిలా ఉండగా.. షేక్ హసీనా ప్రధాని పదవికి రాజీనామా చేసిన తర్వాత బంగ్లాదేశ్‌లో హిందువులు, వారి దేవాలయాలపై విస్తృతంగా దాడులు జరుగుతున్నాయని మానవ హక్కుల హైకమిషనర్ కార్యాలయం నివేదిక పేర్కొంది.
ఆగస్టు 5-6 తేదీల్లో బంగ్లాదేశ్‌లోని 27 జిల్లాల్లో హిందువుల ఇళ్లపై దాడి చేసి ధ్వంసం చేసి దోచుకున్నారని నివేదిక పేర్కొంది. ఈ దాడుల్లో పలు ఆలయాలు కూడా దెబ్బతిన్నాయి. ఖుల్నా డివిజన్‌లోని మెహర్‌పూర్‌లోని ఇస్కాన్ దేవాలయాన్ని ధ్వంసం చేసి తగులబెట్టారు.
మరోవైపు మహమ్మద్ యూనస్ తన ప్రభుత్వానికి మానవ హక్కులే మూలస్తంభమని, ప్రతి పౌరుడి భద్రత ప్రభుత్వ ప్రధాన ప్రాధాన్యత అని అన్నారు. ఆయ‌న మానవ హక్కుల ప‌రిర‌క్ష‌ణ‌కై ఐక్యరాజ్యసమితి నుండి సహకారాన్ని కోరారు.
