Komati Reddy Meets DK Shivakumar : డీకే శివకుమార్‌ను క‌లిసిన కోమ‌టిరెడ్డి వెంక‌ట్ రెడ్డి

టీపీసీసీ స్టార్ క్యాంపెయిన‌ర్, భువ‌న‌గిరి ఎంపీ కోమ‌టిరెడ్డి వెంక‌ట్ రెడ్డి (Komati Reddy Venkat Reddy) శుక్ర‌వారం కర్ణాటక డిప్యూటీ సీఎం, పీసీసీ అధ్యక్షుడు డీకే శివకుమార్ (DK Shivakumar) ను క‌లిశారు. ఈ విష‌య‌మై ఆయ‌న మాట్లాడుతూ.. కర్ణాటక పీసీసీ అధ్యక్షుడు డీకే శివకుమార్ ను బెంగళూరులో కలిశాను. ఉప ముఖ్యమంత్రిగా బాధ్యతలు చేపట్టిన తర్వాత మర్యాదపూర్వకంగా ఆయన్ను కలవడం జరిగింది. ఈ సందర్భంగా డీకే శివకుమార్ కు శుభాకాంక్షలు తెలియజేశానని చెప్పారు. కర్ణాటకలో కాంగ్రెస్ ను అధికారంలోకి తీసుకురావడం కోసం శివకుమార్ ఎంతో కష్టపడ్డారని అన్నారు. నాయకులను ఒకతాటిపైకి తీసుకొచ్చి, కార్యకర్తల్లో ధైర్యాన్ని నింపి.. పార్టీని గెలుపు వైపు నడిపించారని కొనియాడారు.