Adani-Hindenburg case : సెబీ విచారణలో జోక్యం చేసుకోవడానికి నిరాకరించిన సుప్రీంకోర్టు

అదానీ హిండెన్‌బర్గ్ కేసులో(Adani-Hindenburg case) సుప్రీంకోర్టు(Supreme court) బుధ‌వారం తీర్పు వెలువరించింది. సెబీ దర్యాప్తులో జోక్యం చేసుకోవడానికి సుప్రీంకోర్టు నిరాకరించింది. సెబీ రెగ్యులేటరీ ఫ్రేమ్‌వర్క్‌లోకి(SEBI Regulatory Framework) ప్రవేశించడానికి ఈ కోర్టుకు ఉన్న అధికారం పరిమితం అని సుప్రీంకోర్టు పేర్కొంది. దర్యాప్తును సెబీ నుంచి సిట్‌కి బదిలీ చేసేందుకు ఎలాంటి ప్రాతిపదిక లేదని సుప్రీంకోర్టు తీర్పులో వెలువ‌రించింది.

అదానీ గ్రూప్‌పై వచ్చిన ఆరోపణలకు సంబంధించి 24 కేసుల్లో 22 కేసుల్లో సెబీ తన దర్యాప్తును పూర్తి చేసిందని సీజేఐ డీవై చంద్రచూడ్ నేతృత్వంలోని ధర్మాసనం పేర్కొంది. కేసు దర్యాప్తును ప్రత్యేక దర్యాప్తు బృందానికి (SIT) లేదా మరేదైనా దర్యాప్తు సంస్థకు అప్పగించాల్సిన అవసరం లేదని ఆయన అన్నారు. దీనితో పాటు రెగ్యులేటరీ ఫ్రేమ్‌వర్క్‌ను బలోపేతం చేయడానికి నిపుణుల కమిటీ సిఫార్సును పరిగణనలోకి తీసుకోవాలని సుప్రీంకోర్టు కేంద్ర ప్రభుత్వం, సెబిని కోరింది. అలాగే అదానీ-హిండెన్‌బర్గ్ కేసులో పెండింగ్‌లో ఉన్న రెండు కేసుల‌ విచారణను 3 నెలల్లోగా పూర్తి చేయాలని సెబీని సుప్రీంకోర్టు ఆదేశించింది. కోర్టు నియమించిన ప్యానెల్ చేసిన సిఫారసులపై ప్రభుత్వం, సెబీ చర్యలు తీసుకుంటాయని కోర్టు పేర్కొంది.

న్యాయవాది విశాల్‌ తివారీ, ఎంఎల్‌ శర్మ, కాంగ్రెస్‌ నేత జయ ఠాకూర్‌, అనామికా జైస్వాల్‌ దాఖలు చేసిన పిల్‌లపై సుప్రీంకోర్టు గత ఏడాది నవంబర్‌ 24న తన తీర్పును రిజర్వ్‌లో ఉంచింది. అదానీ గ్రూప్‌కు సంబంధించి హిండెన్‌బర్గ్ రీసెర్చ్ నివేదిక రావడం గమనార్హం. ఈ నివేదికలో అదానీ గ్రూప్ షేరు ధరలో అవకతవకలకు పాల్పడిందని ఆరోపించబడింది. ఆ తర్వాత అదానీ గ్రూప్ యొక్క లిస్టెడ్ కంపెనీల షేర్లలో భారీ ఎత్తున పతనం నమోదైంది.