Sonu Sood Rejected CM Post.సీఎం పదవిని తిరస్కరించా..

వివక్ష చూపకుండా ప్రజలకు సహాయం చేసే స్వేచ్ఛ పోతుందన్న భయంతోనే సీఎం పదవిని తిరస్కరించినట్లు సోనూసూద్ తెలిపారు. COVID-19 మహమ్మారి సమయంలో సోనూ సూద్ వలస కార్మికులకు సహాయం చేయడానికి ముందుకు వచ్చారు. జాతీయస్థాయిలో అభిమానులను సంపాదించి హీరోగా ఎదిగారు. ఇటీవల హ్యూమన్స్ ఆఫ్ బాంబేకి ఇచ్చిన ఇంటర్వ్యూలో సోనూ సూద్ తనకు ముఖ్యమంత్రి పదవిని ఆఫర్ చేశారని, అయితే దానిని తిరస్కరించానని చెప్పాడు. మీరు ఎప్పుడైనా రాజకీయాల్లోకి వస్తారా అని అడిగినప్పుడు, సోనూసూద్, “నాకు ముఖ్యమంత్రి పదవిని ఆఫర్ చేశారు. నేను నిరాకరించడంతో ఉప ముఖ్యమంత్రి కావాలని చెప్పారు. దేశంలోనే చాలా పెద్ద వ్యక్తులు నాకు రాజ్యసభ సీటు కూడా ఆఫర్‌ చేశారు. రాజకీయాల్లో దేనికోసం పోరాడాల్సిన అవసరం లేదని, దానిని తీసుకోవాలని చెప్పారన్నారు.

దేశ ప్రజలు తనను రాజకీయాల్లోకి రావాలని కోరుకుంటున్నారని అని అడిగితే ప్రజలకు సహాయం చేయడానికి తన స్వేచ్ఛను కోల్పోతానన్న అని భయపడి రాజకీయాలకు దూరంగా ఉండాలని కోరుకుంటున్నట్లు సోనూ సూద్ వెల్లడించారు. ఎవరికైనా జవాబుదారీగా ఉంటే, ఇప్పుడు చేస్తున్నంత స్వేచ్ఛగా సహాయం చేయలేరన్నారు. కొందరు ప్రజలు రెండు కారణాల వల్ల రాజకీయాల్లోకి ప్రవేశిస్తారు ఒకటి డబ్బు సంపాదించడానికి, లేదా అధికారం కోసం. వాటిలో దేనిపైనా నాకు క్రేజ్ లేదు. ఇది ప్రజలకు సహాయం చేయడం గురించి అయితే, నేను ఇప్పటికే చేస్తున్నానని సోనూసూద్ అన్నారు. తాను రాజకీయాలకు వ్యతిరేకం కాదని, తనకు రాజకీయ నాయకులుగా ఎంతో మంది స్నేహితులు ఉన్నారని, గొప్పగా పనిచేస్తున్నారని నటుడు అన్నారు. భవిష్యత్తులో మనసు మారే అవకాశం ఉందని, రాజకీయాల్లో చేరి దేశానికి సాయం చేయాలనుకుంటున్నానని, అయితే ప్రస్తుతం అందుకు సిద్ధంగా లేనన్నారు.

సోనూ సూద్ ప్రస్తుతం తన తొలి దర్శకత్వం వహించిన ఫతేహ్ విడుదలకు సిద్ధమవుతున్నాడు. యాక్షన్ థ్రిల్లర్‌గా రూపొందిన ఈ చిత్రంలో జాక్వెలిన్ ఫెర్నాండెజ్, విజయ్ రాజ్, నసీరుద్దీన్ షా, దిబ్యేందు భట్టాచార్య కీలక పాత్రల్లో నటిస్తున్నారు. ఈ చిత్రం ట్రైలర్‌లో నటుడి యాక్షన్-ప్యాక్డ్ అవతార్ గురించి అభిమానులు క్రేజీగా ఉన్నారు. ఈ చిత్రం జనవరి 10, 2025న థియేటర్లలో విడుదల చేయడానికి సన్నాహాలు చేస్తున్నారు. గేమ్‌ఛేంజర్‌ సినిమాలో కూడా సోనూసూద్ నటించారు.