Modi-Joe Biden : మోదీ-జో బిడెన్ రహస్య భేటీ.. ఏం చ‌ర్చించారో బ‌య‌ట‌పెట్టిన సీనియర్ అడ్మినిస్ట్రేషన్ అధికారి

గత నెలలో ప్రధాని నరేంద్ర మోదీ(Narendra Modi), అధ్యక్షుడు జో బిడెన్(Joe Biden) మధ్య జరిగిన రహస్య భేటీకి సంబంధించి పెద్ద సమాచారం వెలుగులోకి వచ్చింది. ఓవల్ ఆఫీస్‌లో(Oval Office) జరిగిన సమావేశంలో ఇద్దరు నేతలు.. చైనా, ఆ దేశ అధ్య‌క్షుడు జి జిన్‌పింగ్ గురించి చర్చించినట్లు సీనియర్ అడ్మినిస్ట్రేషన్ అధికారి ఒకరు చెప్పారు.

అజ్ఞాత స‌మావేశంపై మాట్లాడిన సీనియర్ అడ్మినిస్ట్రేషన్ అధికారి.. ఓవల్ ఆఫీస్ సమావేశంలో మోదీ, బిడెన్ మధ్య చర్చించిన ప్రధాన అంశం చైనా(China) అని అన్నారు. ఇద్దరూ తమత‌మ‌ అనుభవాలను.. చైనా, జి జిన్‌పింగ్(G.Jinping) గురించి చర్చిస్తూ ఎక్కువ సమయం గడిపారు. ఇద్దరికి జి జిన్‌పింగ్ చాలా కాలంగా తెలుసు. ఆయ‌న‌తో సంబంధాలను మెరుగుపరుచుకోవడానికి చాలా కష్టపడుతున్నారని.. ఇద్దరు నేతలూ ఓటమిని అంగీకరించారని అధికారి చెప్పారు. చైనా తమత‌మ‌ జాతీయ భద్రతల‌కు పెద్ద ముప్పుగా పరిణమిస్తున్నదని భారత్, అమెరికా రెండూ భావిస్తున్నాయని అధికారి తెలిపారు. బీజింగ్‌ను ఎదుర్కోవ‌డంలో వాషింగ్టన్ కంటే న్యూ ఢిల్లీ ముందుందని బిడెన్ పరిపాలన విభాగం భావిస్తోందన్నారు.

జూన్ 21 నుంచి 23 వరకు ప్రధాని మోదీ అమెరికా పర్యటనలో ఉండటం గమనార్హం. జూన్ 22న అమెరికా అధ్యక్షుడు ఉదయం వైట్‌హౌస్‌లో ప్రధానికి స్వాగతం పలికారు. అదే రోజు సాయంత్రం బిడెన్, మోదీ రాష్ట్ర విందులో ఎనిమిది గంటలకు పైగా కలిసి గడిపారు.

పౌర రక్షణ, ప్రజాస్వామ్యం, మానవ హక్కుల వ్యవహారాల అండర్ సెక్రటరీ ఉజ్రా జీయా కొన్ని వారాల క్రితం న్యూఢిల్లీలో దలైలామాతో సమావేశమయ్యారని.. దీనిపై చైనా ప్రజలు విస్తుపోయారని అధికారి తెలిపారు. భారతీయులు కొన్ని విషయాల్లో త‌మ‌కంటే ముందున్నారని అన్నారు. చైనా ముప్పును ఎదుర్కోవడంలో భారత్‌ ముందుంది. టిక్‌టాక్‌ను నిషేధించినా, చైనీస్ పరికరాలు లేకుండా మొబైల్ నెట్‌వర్క్‌లను నిర్మిస్తున్నా, ప్రమాదాన్ని తగ్గించడంలో భారతదేశం నిజంగా ముందుంది. అందుకే అవి చాలా క్లిష్టమైనవి అని తాను భావిస్తున్నట్లు అధికారి పేర్కొన్నారు.

G-20 చర్చలలో భారతదేశం చేస్తున్న బ్యాలెన్సింగ్ యాక్ట్ గురించి, ఇత‌ర దేశాల‌ను ఏకతాటిపైకి తీసుకురావడం గురించి కూడా అధికారి మాట్లాడారు. భారతదేశం, అమెరికా రెండూ ఇప్పటికీ చైనా నుంచి అనేక విషయాలపై ఆధారపడి ఉన్నాయని ఆయన అన్నారు. G-20లో చైనా, రష్యా నిజమైన అడ్డంకిగా ఉన్నాయన్నారు.

భారత్-అమెరికా మధ్య సంబంధాలు ఇప్పటి కంటే దృఢంగా లేవని పేర్కొంటూ.. మోదీకి పాపులారిటీ దాదాపు 80 శాతం ఉందని భారత్‌లో కొన్ని సర్వేలు చెబుతున్నాయని ఆ అధికారి తెలిపారు. మోదీకి అమెరికాలో ఎంత ఆదరణ ఉందో భారత్‌లోనూ అంతే ఆదరణ ఉందన్నారు.