QR code on his tomb : సమాధిపై క్యూఆర్ కోడ్.. స్కాన్ చేస్తే చాలు గుర్తులన్నీ తెలుసుకోవచ్చు.!

కొన్ని జ్ఞాపకాలు సంతోషాన్ని ఇస్తే ...మరికొన్ని బాధను పంచుతాయి. ఎవరైన వ్యక్తి చనిపోయినప్పుడు వారికి సంభందించిన జ్ఞాపకాలు ఆ కుటుంభ సభ్యులను , స్నేహితులను , వెంటాడుతూనే ఉంటాయి.. అయితే కొన్ని ఏళ్లు గడిచాకా ... వారికి సంభందించిన ఆ జ్ఞాపకాలు కొంత వరకు మరుగున పడతాయి ..అయితే ఇక్కడ మాత్రం లోకాన్ని విడిచిపోయిన ఆ యువకుడి లోటును మర్చిపోలేని ఓ కుటుంబం అతడి జ్ఞాపకాల్ని సజీవంగా ఉంచేందుకు ఓ ప్రయత్నం చేసింది.. అదే ఇప్పుడు అందరిని ఆశ్చర్య పరుస్తూ చర్చనీయాంశం అయ్యింది. మనస్సును కదిలించే ఈ సంఘటనకు సంబంధించి వివరాలు ఏంటో ఇప్పుడు తెలుసుకుందాం.

అతని పేరు ఎవిన్ ఫ్రాన్సిస్ . కేరళలోని త్రిచూర్ నివాసి. రకరకాల టాలెంట్స్ అతని సొంతం. చదువులోనే కాదు.. ఫొటోగ్రఫీ, కంప్యూటర్ సాఫ్ట్‌వేర్, డీకోడింగ్ ఇలా అతనికి చాలా టాలెంట్స్ ఉన్నాయి. అంతేకాదు.. డ్రమ్స్, గిటార్, కీబోర్ట్ ప్లే చెయ్యగలడు . మల్టీ టాలెంటెడ్ కావడంతో... అతను ఎక్కడున్నా ఏదో తెలియని ఆనందం చుట్టుపక్కల వారికి కలిగేది. అలాంటి ఎవిన్.. 26 ఏళ్ల వయసులో సడెన్‌గా ఈ లోకాన్ని వీడి.. ..తిరిగిరాని లోకాలకు వెళ్లిపోయాడు. 2021 డిసెంబర్ 22న షటిల్ కోర్టులో బ్యాడ్మింటన్ ఆడుతూ సడెన్‌గా కుప్పకూలాడు. ప్రాణాలు విడిచాడు. అతని కుటుంబ సభ్యులకు కన్నీటి జ్ఞాపకాల్ని మిగిల్చి మాయమయ్యాడు. దాంతో.. ఆ ఫ్యామిలీ.. కన్నీటి సంద్రంలో మునిగిపోయింది.

త్రిచూర్‌లోని వట్టాకుజీకి చెందిన ఫ్రాన్సిస్ కొడుకు ఎవిన్ .... కొడుకు దూరమవ్వడంతో తండ్రి తీవ్ర విషాదంలో మునిగిపోయాడు. ఇది గమనించిన కుటుంబ సభ్యులు , బంధువులకు ఓ ఐడియా వచ్చింది. ఎవిన్ జ్ఞాపకాలను డిజిటల్ రూపంలో చూపిస్తే ఎలా ఉంటుంది అని ఆలోచించారు. దీంతో ఆ కుటుంబ సభ్యులు ఎవిన్ సమాధిపై ఓ QR కోడ్‌ను సెట్ చేశారు. QR కోడ్ స్కాన్ చేశాక కనిపించే వీడియోలు, ఫొటోల కోసం.. ఎవ్లిన్.. ఓ వెబ్‌సైట్ క్రియేట్ చేసింది. అందులో ఎవిన్ జీవితంలోని కీలక అంశాలు, అతని టాలెంట్‌కి సంబంధించిన వీడియోలను ఉంచింది. ఇప్పుడు ఎవరైనా ఆ క్యూఆర్ కోడ్‌ను స్కాన్ చేస్తే.. వెంటనే మొబైల్‌లో ఎవిన్ కనిపిస్తాడు. అతని పాటలు, వీడియోస్ సందడి చేస్తాయి. ఎవిన్ సోదరి అయిన ఎవ్లిన్.. ఒమన్‌లో ఆర్కిటెక్ట్. ఆమెనే ఈ QR కోడ్‌ను ఏర్పాటు చేసింది. ఇప్పుడు ఈ సమాధిపై QR కోడ్ సెట్ చెయ్యడం చర్చనీయాంశం అయ్యింది. దీంతో అతను లేని లోటును మర్చిపోలేకపోతున్న ఆ కుటుంబ సభ్యులు.. అదే టెక్నాలజీతో అతని జ్ఞాపకాల్ని సజీవంగా ఉంచేందుకు ప్రయత్నిస్తున్నారు.