DK Shivakumar : అందుకే సీఎం కావాలనే కోరికను విరమించుకున్నాను
కర్ణాటక అసెంబ్లీ ఎన్నికల్లో కాంగ్రెస్ విజయం సాధించిన విష‌యం తెలిసిందే. సిద్ధరామయ్య ముఖ్యమంత్రిగా ప్ర‌మాణం కూడా చేశారు. సీఎం పదవిని ఆశించిన డీకే శివకుమార్ డిప్యూటీ సీఎం పదవిని స్వీకరించడంపై మౌనం వీడారు. రామనగరలో జరిగిన ఒక సభలో ప్రసంగిస్తూ..
Relented due to Sonia, Rahul advice DK Shivakumar opens up on missing Karnataka CM post
కర్ణాటక అసెంబ్లీ ఎన్నికల్లో(Karnataka Assembly Elections) కాంగ్రెస్ విజయం సాధించిన విష‌యం తెలిసిందే. సిద్ధరామయ్య(Siddaramaiah) ముఖ్యమంత్రిగా ప్ర‌మాణం కూడా చేశారు. సీఎం పదవిని ఆశించిన డీకే శివకుమార్(DK Shivakumar) డిప్యూటీ సీఎం(Deputy CM) పదవిని స్వీకరించడంపై మౌనం వీడారు. రామనగరలో జరిగిన ఒక సభలో ప్రసంగిస్తూ.. సోనియా గాంధీ, రాహుల్ గాంధీ తనకు కొన్ని సలహాలు ఇవ్వడంతో తాను సీఎం కావాలనే కోరికను విరమించుకున్నానని అన్నారు.
“నన్ను ముఖ్యమంత్రిని చేయడానికి మీరు పెద్ద సంఖ్యలో నాకు ఓటు వేశారు. కానీ హైకమాండ్ నిర్ణయం తీసుకుంది. సీనియర్ నాయకులు రాహుల్ గాంధీ(Rahul Gandhi), సోనియా గాంధీ(Sonia Gandhi), మల్లికార్జున్ ఖర్గే(Mallikarjuna Kharge) నాకు కొన్ని సలహాలు ఇచ్చారు. వారి సలహాకు నేను తలవంచవలసి వచ్చిందని శివకుమార్ అన్నారు. కర్ణాటకలో మే 10న ఎన్నికలు జరిగాయి. ఫలితాలు మే 13న ప్రకటించబడ్డాయి. సిద్ధరామయ్య, శివకుమార్ మధ్య పోటీ నేప‌థ్యంలో ముఖ్యమంత్రి పదవికి నాయకుడిని ఎన్నుకోవడానికి నాలుగు రోజులు పట్టింది.
