UP Rasgulla Incident :పెళ్లిలో రసగుల్లా కోసం కొట్టుకున్నారు

పెళ్లిళ్లలో(Marriage) వధూవరుల బంధువర్గాలు తిట్టుకోవడం, కొట్టుకోవడం అప్పుడప్పుడు జరుగుతుంటాయి. ఆ కొట్టుకోవడాలు కూడా సింపుల్‌ రీజన్‌లకే! మర్యాదలు జరగలేదనో, వంటలు బాగోలేవనో కాలర్లు పుచ్చుకుని కొట్టుకుంటారు. ఇలాంటి ఘటనే ఉత్తరప్రదేశ్‌లో(Uttar Pradesh) చోటు చేసుకుంది. ఓ వివాహ కార్యక్రమంలో రసగుల్లాల(Rasgulla) కోసం గొడవపడ్డారు. మొన్న ఆదివారం శంషాబాద్‌(Shamshabad) ప్రాంతంలో ఓ పెళ్లి వేడుక జరిగింది. పెళ్లికి వచ్చినవారికి రుచికరమైన వంటకాలను వడ్డించారు. కాసేపటికి రసగుల్లాలు అయిపోయాయి. వచ్చిన అతిథుల్లో కొందరికి రసగుల్లాలు దొరకలేదు. దీంతో ఓ వ్యక్తి కోపంతో ఓ మాటన్నాడు. అది కాస్తా ఒకరినొకరు తిట్టుకోవడం వరకు వెళ్లింది. ఆపై కొట్టుకోవడం వరకు వెళ్లింది. ఈ గొడవల్లో ఆరుగురు వ్యక్తులకు తీవ్రంగా గాయాలయ్యాయి. గాయపడ్డవారిని స్థానిక ఆసుపత్రిలో చేర్పించారు. ప్రస్తుతం వారి ఆరోగ్య పరిస్థితి నిలకడగానే ఉందని పోలీసులు తెలిపారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. లాస్టియర్‌ ఉత్తరప్రదేశ్‌లోని ఎత్మాద్‌పూర్‌లో ఇలాగే పెళ్లి వేడుకలో స్వీట్ల కోసం ఇరువర్గాలు కొట్టుకున్నాయి. ఇందులో ఒకరు చనిపోయారు కూడా!