Ox Attack Viral Video : ఎద్దుకు తిక్కరేగింది.. రోడ్డుపై బీభత్సం సృష్టించింది! 15 మందిని గాయపర్చింది!

ఉత్త‌ర‌ప్ర‌దేశ్‌లోని(Uttar Pradesh) జ‌లాలాబాద్ ప‌ట్ట‌ణంలో ఓ ఎద్దుకు(Ox) తిక్కరేగింది. ఆ తిక్కతో కనిపించినవారందరిపైనా దాడికి దిగింది. చాలా మందిని తన కొమ్ములతో పొడిచి గాయాలు చేసింది. ఎద్దు బీభత్సానికి రోడ్డు మీద జనం చెల్లా చెదురయ్యారు. ఓ వ్యక్తిని చాలా సార్లు కింద పడేసి కొమ్ములతో పొడిచింది. ఎద్దు దాడిలో పాపం ఆ వ్యక్తి కంటికి గాయమయ్యింది. కంటి నుంచి తీవ్ర రక్తస్రావం అయ్యింది.

వీధుల్లో తిరుగుతూ ఆ ఎద్దు మ‌ళ్లీ జ‌నంపై దాడి చేసింది. కొన్ని చోట్ల తొక్కిస‌లాట జ‌రిగింది. ఓ 15 మందిని ఆ ఎద్దు గాయపర్చింది. ఓ గంటపాటు అది స్వైర విహారం చేసింది. దాన్ని పట్టుకునేందుకు వచ్చిన జలాలాబాద్‌ మున్సిపల్‌ అధికారులను ముప్పు తిప్పలు పెట్టి మూడు చెరువుల నీళ్లు తాగించింది. చివరకు మూడు గంటల తర్వాత ఆ ఎద్దును పట్టుకోగలిగారు.