Nagarjuna Twin : పాకిస్తాన్‌లో నాగార్జునను పోలిన వ్యక్తి!

హలోబ్రదర్‌ సినిమాల్లో అంత కాకపోయినా సినీ నటుడు నాగార్జునను(Akkineni nagarjuna) పోలిన వ్యక్తి మరొకరు ఉన్నారు. ఈ భూమ్మీద మనిషిని పోలిన మనుషులు ఏడుగురు ఉంటారంటారనేది ఇందుకే కాబోలు. తెలుగు స్టార్‌ హీరో నాగార్జునలా ఉన్న వ్యక్తి ఎక్కడున్నారనుకున్నారు. పాకిస్తాన్‌లో(Pakistan)!చాలా మట్టుకు నాగార్జునలా ఉండటం ఇతగాడికి ప్లస్‌ అయ్యింది. ఈ కారణంతోనే నెలకు లక్షల రూపాయల ఈజీగా సంపాదించేస్తున్నాడు. పాకిస్తాన్‌లోని జైన్‌ అక్మల్ ఖాన్‌ అలియాస్‌ షికారీ మాస్‌(Shikari Mass) అనే వ్యక్తి 2019 నుంచి టిక్‌ టాక్‌ వీడియోలు చేసుకుంటున్నాడు. ఒకానొక సందర్భంలో 'అచ్చంగా నువ్వు ఇండియన్‌ హీరో నాగార్జునలా ఉన్నావు' అని ఎవరో ఇతడితో చెప్పారు. జైన్‌ అక్మల్‌ ఖాన్‌ వెంటనే నాగార్జున గురించి ఫుల్‌ డిటైల్స్‌ తెలుసుకున్నాడు. నాగ్‌ సినిమాలు కూడా చూశాడు. నాగార్జునలాగే మేకప్‌ చేసుకుని షార్ట్ వీడియోస్‌ చేశాడు. వాటికి మస్తు వ్యూస్‌ వచ్చాయి. ఇప్పుడు మాత్రం జైన్‌ అక్మల్‌ ఫుడ్‌ వ్లాగింగ్‌ చేస్తున్నాడు. మంచి పేరు తెచ్చుకున్నాడు. ఇటీవల ఓ ఇంటర్వ్యూలో మాట్లాడుతూ తాను నాగార్జునలా ఉండటం బాగా కలిసి వచ్చిందన్నాడు. ఫుడ్‌ వీడియోలు చేసుకుంటూ నెలకు నాలుగైదు లక్షల రూపాయలు సంపాదిస్తున్నానని అన్నాడు. ప్రస్తతుం తన జీవితం హ్యాపీగా గడిచిపోతున్నదని జైన్‌ అక్మల్ ఖాన్‌ తెలిపాడు.