TamilNadu Minister Senthilbalaji : మనీలాండరింగ్ కేసులో ఈడీ దాడులు.. అదుపులోకి తీసుకోగా వెక్కివెక్కి ఏడ్చిన మంత్రి
మనీలాండరింగ్ కేసుకు సంబంధించి తమిళనాడు విద్యుత్ శాఖ మంత్రి వి.సెంథిల్ బాలాజీ, ఆయన సన్నిహితుల కార్యాలయాలపై ఎన్‌ఫోర్స్‌మెంట్ డైరెక్టరేట్ (ఈడీ) మంగళవారం దాడులు చేసింది. చెన్నైలోని సెంథిల్ నివాసంలో అర్థరాత్రి సోదాలు జరిపిన ఈడీ.. అతడిని విచారణ నిమిత్తం అదుపులోకి తీసుకుంది.
On Camera, Tamil Nadu Minister Breaks Down After Probe Agency Raids
మనీలాండరింగ్(Money Laundering Case) కేసుకు సంబంధించి తమిళనాడు విద్యుత్ శాఖ మంత్రి వి.సెంథిల్ బాలాజీ, ఆయన సన్నిహితుల కార్యాలయాలపై ఎన్‌ఫోర్స్‌మెంట్ డైరెక్టరేట్ (Enforcement Directorate) మంగళవారం దాడులు చేసింది. చెన్నై(Chennai)లోని సెంథిల్ నివాసంలో అర్థరాత్రి సోదాలు జరిపిన ఈడీ(ED).. అతడిని విచారణ నిమిత్తం అదుపులోకి తీసుకుంది. అనంతరం అతడిని వైద్య పరీక్షల నిమిత్తం చెన్నైలోని ఒమందూరార్ ప్రభుత్వ ఆసుపత్రికి తరలించారు. ఆ సమయంలో మంత్రి సెంథిల్ కారులో ఏడుస్తూ కనిపించారు. భద్రత దృష్ట్యా ఒమండూరర్ ప్రభుత్వ ఆసుపత్రి ప్రాంతంలో ర్యాపిడ్ యాక్షన్ ఫోర్స్‌(Rapid Action Force)ను మోహరించారు.
#WATCH | Tamil Nadu Electricity Minister V Senthil Balaji breaks down as ED officials took him into custody in connection with a money laundering case and brought him to Omandurar Government in Chennai for medical examination pic.twitter.com/aATSM9DQpu
— ANI (@ANI) June 13, 2023
తమిళనాడు ఆరోగ్య శాఖ మంత్రి ఎం సుబ్రమణియన్(M Subramanian), రాష్ట్ర క్రీడల మంత్రి ఉదయనిధి స్టాలిన్(Udayanidhi Stalin).. విద్యుత్ శాఖ మంత్రి సెంథిల్ బాలాజీని కలిసేందుకు అర్థరాత్రి ప్రభుత్వ ఆసుపత్రికి చేరుకున్నారు. అక్కడ మీడియాతో మాట్లాడిన ఉదయనిధి స్టాలిన్.. సెంథిల్ బాలాజీకి చికిత్స అందిస్తున్నట్లు తెలిపారు. ఈ విషయంలో న్యాయ సహాయం తీసుకుంటాం. బీజేపీ(BJP) నేతృత్వంలోని కేంద్ర ప్రభుత్వం చేస్తున్న బెదిరింపు రాజకీయాలకు మేము భయపడబోమని అన్నారు. సెంథిల్ బాలాజీని టార్గెట్ చేసి చిత్రహింసలకు గురిచేశారని తమిళనాడు న్యాయశాఖ మంత్రి ఎస్.రఘుపతి(Raghupathi) అన్నారు. ఈడీ అధికారులు 24 గంటల పాటు ఆయనను నిరంతరం ప్రశ్నిస్తూనే ఉన్నారు. ఇది పూర్తిగా మానవ హక్కులకు విరుద్ధం. దీనికి ఈడీ సమాధానం చెప్పాలన్నారు.
సెంథిల్ బాలాజీని ఐసీయూ(ICU)కి తరలించినట్లు డీఎంకే ఎంపీ, సెంథిల్ బాలాజీ తరపు న్యాయవాది ఎన్ఆర్ ఎలాంగో(NR Elango) తెలిపారు. వైద్యులు ఆయన ఆరోగ్యాన్ని పరిశీలిస్తున్నారు. ఒక వ్యక్తి తనపై దాడి చేసినట్లు చెప్పినప్పుడు, వైద్యులు అన్ని గాయాలను గుర్తించాలి. రిపోర్టులు చూసిన తర్వాతే గాయం గురించి తెలుస్తుంది. సెంథిల్‌ను ఈడీ అరెస్టు(Arrest) చేసిన విషయం అధికారికంగా మాకు తెలియలేదని ఆయన అన్నారు.
ఉద్యోగాల కుంభకోణంపై దర్యాప్తు చేసేందుకు గత నెలలో సుప్రీంకోర్టు పోలీసులకు, ఈడీకి అనుమతినిచ్చింది. మనీలాండరింగ్ నిరోధక చట్టంలోని నిబంధనల కింద మంత్రి నివాసంలో సోదాలు జరిగినట్లు అధికారి తెలిపారు. గత నెలలో బాలాజీ సన్నిహితుల ఇంటిపై ఆదాయపు పన్ను శాఖ దాడులు చేసింది.
ఈడీ విచారణ సందర్భంగా బాలాజీ.. విచారణ సంస్థకు పూర్తిగా సహకరిస్తానని చెప్పారు. 'వారు ఏ ఉద్దేశంతో ఇక్కడ రైడ్ కోసం వచ్చారో.. వారు ఏమి చూస్తున్నారో చూద్దాం. అది ముగియనివ్వండి. అధికారులకు పూర్తి సహకారం అందిస్తామని బాలాజీ అన్నారు. పత్రాల ఆధారంగా అధికారులు ఏది అడిగినా అందజేస్తామని చెప్పారు. ఉదయం తాను మార్నింగ్ వాక్‌(Morning Walk)కు వెళ్లానని, సోదాల సమాచారం అందుకున్న తర్వాత ట్యాక్సీ(Taxi) తీసుకుని తన ఇంటికి వచ్చానని మంత్రి చెప్పారు.
