Noida Rave party : నోయిడాలో రేవ్‌ పార్టీ భగ్నం

నోయిడాలోని(Noida) ఓ అపార్ట్‌మెంట్‌లో(Apartment) జరుగుతున్న రేవ్‌పార్టీని(Raveparty) పోలీసులు భగ్నం చేశారు. పోలీసులు దాడి చేసి మైనర్‌లతో పాటు 39 మంది యూనివర్సిటీ స్టూడెంట్లను(University students) అరెస్ట్ చేశారు. నోయిడా సెక్టార్-39లోని సూపర్‌నోవా రెసిడెన్షియల్ సొసైటీలో(super nova residential society) రేవ్‌పార్టీ జరుగుతున్నదన్న సమాచారం రావడంతో పోలీసులు ఘటన స్థలానికి చేరుకున్నారు. ఓ ప్రముక విశ్వ విద్యాలయానికి చెందిన విద్యార్థులను అదుపులోకి తీసుకున్నారు. అదుపులోకి తీసుకున్న విద్యార్థుల వయస్సు 16 నుంచి 20 ఏళ్ల మధ్య ఉందని పోలీసులు తెలిపారు. ఈ దాడిలో హర్యానా బ్రాండ్ మద్యం సీసాలు, హుక్కాలను పెద్ద ఎత్తున స్వాధీనం చేసుకున్నారు. వాట్సాప్‌ ద్వారా విద్యార్థులను పార్టీకి ఆహ్వానించారు. ఒక్కొక్కరి దగ్గర 500 రూపాయలు వసూలు చేశారు. జంటకు అయితే 800 రూపాయలు ఛార్జ్‌ చేశారు.