Madhya Pradesh : అవినీతి అధికారులతో విసుగు.. పొర్లు దండాలు, అర్ధనగ్న నిరసనలు..

అవినీతి అధికారులపై(Corruption) విసిగి వేసారిన ఓ వ్యక్తి ఓ వినూత్నంగా నిరసన చేశాడు. అధికారుల అలసత్వంపై ఎన్ని ఫిర్యాదులు చేసినప్పటికీ తనకు న్యాయం జరగడం లేదని విసుగుతో పాటు కోపం పెంచుకున్న ఓ వ్యక్తి చేసిన నిరసన మధ్యప్రదేశ్‌లో(Madhya Pardesh) హాట్‌టాపిక్‌గా మారింది. వెయ్యి పేజీలతో ఫిర్యాదును రూపొందించిన ఆ బాధితుడు దాన్ని ఒంటికి చుట్టుకుని అర్థనగ్నంగా మధ్యప్రదేశ్‌లోని నీమచ్‌ కలెక్టరేట్‌(collecterate) ముందు నిరసనకు దిగాడు. కాకరాయి గ్రామానికి చెందిన ఆ బాధితుడి పేరు ముకేష్‌ ప్రజాపత్‌. ఏడేళ్లుగా న్యాయం కోసం పోరాడుతున్నా ఫలితం దక్కలేదని ఆయన ఆవేదన చెందుతున్నారు. 'చెప్పులు నెత్తిన పెట్టుకొని న్యాయం కోసం వేడుకుంటున్నా. నా గోడు సీఎం మోహన్‌ యాదవ్‌ వినాలి' అని బాధపడ్డారు.