Maharashtra : పోలీసు అధికారి కొడుకు దాష్టికం...కారుతో మహిళను ఢీకొట్టాడు..!

మహారాష్ట్రలోని(Maharashtra) పింప్రి-చించ్‌వాడ్‌లో దారుణం జరిగింది. ఓ పోలీసు అధికారి కొడుకు(Police Officer son) వేగంగా కారు నడుపుతూ రోడ్డు దాటుతున్న మహిళను ఢీ కొట్టాడు. ఆమె గాల్లోకి ఎగిరి దూరంగా పడటంతో తీవ్ర గాయాలయ్యాయి. బుధవారం మధ్యాహ్నం భోశ్రీ ఎంఐడీసీ(MIDC) ప్రాంతంలో కొందరు మహిళలు రోడ్డు దాటుతున్నప్పుడు ఈ ఘటన జరిగింది. గాయపడిన ఆ మహిళను ఆసుపత్రికి తరలించి చికిత్స అందిస్తున్నారు. ఆ మహిళ సోదరుడు ఇచ్చిన ఫిర్యాదుతో పోలీసులు కేసు నమోదు చేశారు. సీసీటీవీ ఫుటేజ్ ఆధారంగా ఆ కారును గుర్తించారు. కారు డ్రైవర్‌ వినయ్ విలాస్(Vinay vilas) నాయక్రేను పోలీసులు అరెస్ట్‌ చేశారు. అతడు ఒక పోలీస్‌ అధికారి కుమారుడని తెలిపారు. ప్రమాదానికి సంబంధించిన దృశ్యం సోషల్‌ మీడియాలో వైరల్‌ అవుతోంది.