Madhya Pradesh : తీవ్ర‌మైన ఉత్కంఠ రేపుతున్న 'ఎగ్జిట్‌ పోల్స్‌'

మధ్యప్రదేశ్‌(Madhya Pradesh) ఎన్నికలకు సంబంధించి ఎగ్జిట్‌ పోల్స్‌(Exit Polls)పై తీవ్ర‌మైన‌ ఉత్కంఠ నెలకొంది. ఇక్క‌డ బీజేపీ(BJP), కాంగ్రెస్(Congress) హోరాహోరీ త‌ల‌ప‌డ్డాయి. గ‌తంలో ఏర్ప‌డిన కాంగ్రెస్ ప్ర‌భుత్వాన్ని కూల్చి మ‌ధ్య‌ప్ర‌దేశ్ గ‌ద్దెపై కూర్చున్న బీజేపీ నుంచి ఎలాగైనా అధికారాన్ని చేజిక్కించుకోవాల‌ని ఏఐసీసీ(AICC) తీవ్ర క‌స‌ర‌త్తులు చేసింది. అయితే ఎగ్జిట్‌ పోల్స్ మాత్రం రెండు పార్టీల‌కు అనుకూలంగా ఉన్నాయి. కొన్ని ఏజెన్సీలు బీజేపీకి అన‌కూలంగా.. మ‌రికొన్ని కాంగ్రెస్ వైపు మొగ్గుచూపుతున్నాయి.

ఎగ్జిట్ పోల్స్‌పై మధ్యప్రదేశ్ హోం మంత్రి డాక్టర్ నరోత్తమ్ మిశ్రా(Narottham Mishra) మీడియాతో మాట్లాడుతూ.. ఎగ్జిట్ పోల్స్ ఆధారంగా.. ప్రజల ఆశీర్వాదంతో మరోసారి ప్రభుత్వాన్ని ఏర్పాటు చేస్తామ‌న్నారు. 165 సీట్లు వస్తాయని ఆయన అన్నారు. అదే స‌మ‌యంలో కాంగ్రెస్‌కు నిష్క్రమణ త‌ప్ప‌ద‌న్నారు.

మాజీ సీఎం కమల్ నాథ్(Kamalnath) మాట్లాడుతూ.. కాంగ్రెస్ కార్యకర్తలందరికీ వారి బలాన్ని గుర్తు చేయాలనుకుంటున్నాను. మీరే కాంగ్రెస్‌కు శక్తి, మీ కృషి, అంకితభావం వల్లనే ప్రజలు కాంగ్రెస్‌ పార్టీకి అధిక సంఖ్యలో ఓటు వేశారు. డిసెంబరు 3న ఓట్ల లెక్కింపు ప్రారంభం కాగానే.. కాంగ్రెస్ ప్రభుత్వాన్ని ప్రజలు ఆదరిస్తారు.

న్యూస్ 24-టుడే చాణక్య.. మధ్యప్రదేశ్‌లో బీజేపీకి 151 సీట్లు ఇవ్వగా, కాంగ్రెస్‌కు 74 సీట్లు వ‌స్తాయ‌ని పేర్కొంది. ఇత‌రుల‌కు ఐదు సీట్లు వ‌స్తాయ‌ని వెల్ల‌డించింది.

టైమ్స్ నౌ-ఈటీజీ ప్రకారం.. బీజేపీకి 105-117 సీట్లు, కాంగ్రెస్‌కు 109-125, ఇతరులకు 1-5 సీట్లు వస్తాయని అంచనా.

ఇండియా టీవీ-సీఎన్‌ఎక్స్ ప్రకారం.. బీజేపీకి 140-159 సీట్లు, కాంగ్రెస్‌కు 70-89, ఇతరులకు 0-2 సీట్లు వస్తాయని అంచనా.

దైనిక్ భాస్కర్ సర్వే ప్రకారం.. బీజేపీకి 95-115, కాంగ్రెస్‌కు 105-120, ఇతరులకు 0-15 సీట్లు రావచ్చు.

ఎబిపి-సి ఓటర్ ప్రకారం.. బిజెపికి 88-112 సీట్లు, కాంగ్రెస్‌కు 113-137 సీట్లు, ఇతరులకు 2-8 సీట్లు రావచ్చు.

రిపబ్లిక్-పి మార్క్ ప్రకారం.. బీజేపీకి 103-122, కాంగ్రెస్‌కు 103-122, ఇతరులకు 3-8 సీట్లు వస్తాయని అంచనా.

రిపబ్లిక్ ఇండియా సర్వే ప్రకారం.. బీజేపీకి 118-130 సీట్లు, కాంగ్రెస్‌కు 97-107 సీట్లు, ఇతరులకు రెండు సీట్లు వ‌స్తాయ‌ని వెల్ల‌డించింది.

రిపబ్లిక్ మ్యాట్రిస్ సర్వే ప్రకారం.. బీజేపీకి 118-130, కాంగ్రెస్‌కు 97-107, ఇతరులకు 2 సీట్లు వస్తాయని అంచనా వేసింది.

టీవీ 9-పోల్‌స్ట్రాట్ ఎగ్జిట్ పోల్ ప్రకారం.. మధ్యప్రదేశ్‌లో గట్టి పోటీ ఉంటుంది. బీజేపీకి 106-116 సీట్లు, కాంగ్రెస్‌కు 111-121 సీట్లు రావచ్చు.

'జన్ కీ బాత్' ఎగ్జిట్ పోల్ ప్రకారం.. మధ్యప్రదేశ్‌లో గట్టి పోటీ నెలకొంది. కాంగ్రెస్‌కు 102 నుంచి 125 సీట్లు వస్తాయని అంచనా. అదే సమయంలో బీజేపీకి 100 నుంచి 123 సీట్లు రావచ్చు. ఇతరులకు ఐదు సీట్లు దక్కుతాయి.

ఇండియా టుడే- యాక్సిస్ మై ఇండియా ఎగ్జిట్ పోల్

బీజేపీకి 140-162 సీట్లు
కాంగ్రెస్‌కు 68-90 సీట్లు
ఇతరులకు 0-3 సీట్లు