Shivraj Singh Chauhan : విపక్షాల ఐక్యత కాదు.. రాహుల్ గాంధీ పెళ్లి ప్రధాన అంశం

మధ్యప్రదేశ్(Madhya Pradesh) ముఖ్యమంత్రి శివరాజ్ సింగ్ చౌహాన్(Shivraj Singh Chauhan) పాట్నాలో(patna) జరిగిన ప్రతిపక్ష పార్టీల సమావేశంపై సెటైర్లు వేశారు. వరద వచ్చినప్పుడు పాములు, కోతులు, కప్పలు ఎలా చెట్టు ఎక్కుతాయో.. అలాగే ప్రతిపక్షాల పరిస్థితి కూడా ఉందన్నారు. విపక్షాలన్నీ పాట్నాలో సమావేశమయ్యాయని.. అక్కడ విపక్షాల ఐక్యత కాదు.. రాహుల్ గాంధీ పెళ్లి ప్రధాన(Rahul gandhi marriage) అంశమ‌ని ఎద్దేవా చేశారు.

విప‌క్షాల‌ భేటీ అనంతరం నేతలంతా సంయుక్తంగా విలేకరుల సమావేశం నిర్వహించారు. ఇందులో ఆర్జేడీ అధినేత లాలూ ప్రసాద్ యాదవ్(prasad yadav).. రాహుల్ గాంధీ పెళ్లి అంశాన్ని లేవనెత్తారు. దీనిపై కూడా శివరాజ్ దుయ్యబట్టారు. లాలూ యాదవ్(Lalllu Yadav) జీ “మీకు పెళ్లి కావడం లేదని మీ అమ్మ ఫిర్యాదు చేస్తోందని చెప్పారు.. అవును, దానికి చోటు లేదని" ఆయన అన్నారు.

ప్రతిపక్ష నేతలను శివరాజ్ జంతువులతో పోల్చారు. భారీ వరదలు వచ్చినప్పుడు చాలా జంతువులు తమ ప్రాణాలను కాపాడుకోవడానికి చెట్టుపై కూర్చుంటాయని చెప్పారు. మీరు చెట్టు మీద కప్పలు, పాములు, కోతులలా కనిపిస్తున్నారు. ఎందుకంటే దిగువన వరద నీరు ఉంది. ప్రధానమంత్రి నరేంద్ర మోదీ జీకి ఎంతగానో ఆదరణ, ప్రజాదరణ ఉంది. అందరూ చెట్టు ఎక్కేందుకు ప్రయత్నిస్తున్నారు.. కానీ.. మోదీ(Modi ji) జీ ప్రపంచంలోనే అత్యంత ప్రజాదరణ పొందిన నాయకుడని అన్నారు.

శివరాజ్‌పై మధ్యప్రదేశ్ కాంగ్రెస్ కమిటీ అధ్యక్షుడు కమల్ నాథ్(Kamal Nath) ఎదురుదాడి చేశారు. శివరాజ్ జీ మరోసారి మీ మాటల హద్దులు మీరిపోయారని అన్నారు. మీరు ప్రతిపక్షాన్ని పాము, కప్ప, కోతి అని పిలిచారు. గత కొన్ని రోజులుగా మీరు అసభ్య పదాలు వాడుతూ.. తక్కువ స్థాయి భాషను ఉపయోగిస్తున్నారు. ఈ భాష, మీ భావన ప్రజల్లో మీ పట్ల ద్వేషాన్ని సృష్టిస్తోంది. మీరు మమ్మల్ని పాములు అని పిలిస్తే.. ప్రజలు మమ్మల్ని శివుని హారంగా భావిస్తారు. మీరు మమ్మల్ని వానరులు అని పిలిస్తే.. రావణుడి పాపాల కోసం లంకను నాశనం చేసిన శ్రీరాముడి వానర సైన్యంగా ప్రజలు భావిస్తారు. మీరు దుర్భాషలాడుతూ ఉంటారు. కాని మేము సత్యం, గౌరవం మార్గాన్ని వదిలిపెట్టము. మీకు జ్ఞానం, సహనం ఇవ్వమని దేవుడిని కూడా ప్రార్థించండని కమల్ నాథ్ అన్నారు.