Delhi Health Problems : ఢిల్లీలో ఉంటున్నారా.. అయితే మీరు జబ్బున పడినట్లే..!

ఢిల్లీ ఎన్‌సిఆర్(Delhi NCR) ప్రాంతంలోని గాలి నాణ్యత(Air Quality) క్షీణించడంతో ఇబ్బందులు పడుతున్న ప్రతి ఒక్క కుటుంబంలో ఒకరు కంటే ఎక్కువ కాలుష్య సంబంధిత ఆరోగ్య రుగ్మతలతో బాధపడుతున్నారని తాజా సర్వే తెలిపింది. ఆన్‌లైన్ కమ్యూనిటీ ప్లాట్‌ఫారమ్ అయిన లోకల్‌సర్కిల్స్(Online Circle) నిర్వహించిన సర్వేలో, ఈ ప్రాంతంలోని 75% కుటుంబాల్లో ఒకరు లేదా అంతకంటే ఎక్కువ మంది సభ్యులు గొంతు నొప్పి లేదా దగ్గుతో బాధపడుతున్నారని ఇటీవలి సర్వే(Survey) తెలిపింది. సర్వే చేసిన కుటుంబాల్లో 58 శాతం మంది అత్యంత విషపూరితమైన కాలుష్య స్థాయిల కారణంగా తలనొప్పిని(Head ache) ఎదుర్కొంటున్నారని నివేదించారు, అయితే 50 శాతం మంది కుటుంబ సభ్యులు శ్వాస తీసుకోవడంలో ఇబ్బందులు(Respiration problems) లేదా ఆస్తమాతో(Astma) బాధపడుతున్నారు. ఈ సర్వే ఢిల్లీ, గురుగ్రామ్(Gurugroan), నోయిడా(Noida), ఫరీదాబాద్(Pharidabad), ఘజియాబాద్‌లోని(haziabad) 21,000 మంది నివాసితుల వివరాలు సేకరించింది. ఈ 21,000 మంది ప్రతివాదులలో 63 శాతం మంది పురుషులు, 37 శాతం మంది మహిళలు ఉన్నారు.

ఈ వారం ప్రారంభంలో AQI కొత్త శిఖరాలకు చేరుకుంది. ఢిల్లీలోని కొన్ని ప్రాంతాల్లో PM2.5 1500 వరకు నమోదైంది, ఢిల్లీ NCRలో నివసించే వారు ఎలివేటెడ్ స్థాయిలను ఎలా ఎదుర్కొంటున్నారో తెలుసుకోవడానికి LocalCircles ఒక కొత్త సర్వేను నిర్వహించింది. ఈ ప్రాంతంలో ఎయిర్ క్వాలిటీ ఇండెక్స్ 400కి చేరుకోవడంతో కుటుంబాలు ఎలా పనిచేస్తున్నాయని అడిగిన ప్రశ్నకు, 27 శాతం కుటుంబాలు కాలుష్య ప్రభావాలను తగ్గించడానికి ఎయిర్ ప్యూరిఫైయర్‌లను ఉపయోగిస్తున్నట్లు నివేదించగా, 23 శాతం మంది తమను తాము రక్షించుకోవడానికి ఏమీ చేయడం లేదని చెప్పారు. మిగిలిన వారు రోగనిరోధక శక్తిని పెంచే ఆహారాలు, పానీయాలను తీసుకోవడం ద్వారా వాటిని ఎదుర్కోవాల్సి ఉందని తెలిపారు.