Pathapusayan Temple : నిమ్మకాయకు 35 వేల రూపాయలా? ఎక్కడిది?

మన దగ్గర వినాయకచవితి(Vinayaka Chathurthi) సందర్భంగా మంటపాల్లో పెట్టిన వినాయకుడి లడ్డూను వేలం వేస్తారు కదా! అట్టాగే ఓ శివాలయంలో నిమ్మకాయను(Lemon) వేలం వేస్తారు. లడ్డూను కైవసం చేసుకోవడానికి ఎలా పోటీ పడతారో నిమ్మకాయను దక్కించుకోవడానికి కూడా భక్తులు తీవ్రంగా పోటీపడ్డారు. వివరాల్లోకి వెళితే తమిళనాడులోని(Tamilnadu) ఈరోడ్‌ దగ్గరలో ఉన్న శివగిరి గ్రామంలో(Shiva giri) పఠపూశయన్‌ దేవాలయం(Pathapusayan Temple) ఉంది. ఈ గుడిలో శివరాత్రి ఉత్సవాలు అత్యంత వైభవంగా జరిగాయి. ఆలయ అధికారులు చెబుతున్నదాని ప్రకారం శివుడికి ఓ నిమ్మకాయను, ఇతర పండ్లను, వస్తువులను సమర్పించడం ఇక్కడి సంప్రదాయం. పూజల్లో వాడిన ఆ నిమ్మకాయను వేలంలో(Lemon Auction) అమ్మకానికి పెట్టారు. ఈ వేలంలో 15 మంది భక్తులు పాల్గొన్నారు. ఈరోడ్‌కు చెందిన ఓ భక్తులు దీన్ని అత్యధికంఆ 35 వేల రూపాయలు పెట్టి సొంతం చేసుకున్నాడు. ఈ నిమ్మకాయను ఆలయ పూజారి తీసుకెళ్లి, శివుడి ముందు ఉంచి పూజ చేసి తిరిగి ఆ భక్తునికి అందించారు. ఈ నిమ్మకాయను సొంతం చేసుకున్న వారు సంపూర్ణ ఆరోగ్యంతో, సుఖ శాంతులతో ఉంటారని, ఐశ్వర్యం కూడా సిద్ధిస్తుందని భక్తులు విశ్వసిస్తారు. అందుకే ఆ నిమ్మకాయకు అంత డిమాండ్‌!